میٹھے کی طلب کو نمک سے پورا کرسکتے ہیں؟

میٹھے کی طلب کو نمک سے پورا کرسکتے ہیں؟ ماہرین نے طریقہ بتا دیا

ویب ڈیسک

29th Mar, 2023. 11:55 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

میٹھے کی طلب کو نمک سے پورا کرسکتے ہیں؟ ماہرین نے طریقہ بتا دیا

اگر کسی کو مسلسل میٹھے کی طلب ہوتی ہو تو وہ اسے نمک سے پورا کرسکتا ہے۔

جی ہاں! بھارتی ماہرین غذائیت کے مطابق ہم جتنی زیادہ چینی کھاتے ہیں، اتنی ہی زیادہ چینی کی خواہش ہوتی ہے کیونکہ یہ ہمارے دماغ میں ڈوپامائن کو متحرک کرتی ہے جو کہ نشہ آور ہیں۔

ماہرین کا کہنا ہے کہ میٹھے کی طلب اس لئے بھی ہوتی ہے کیونکہ ہم نمک کی مقدار ضروت سے کم لے رہے ہوتے ہیں۔ نمک کی خاص مقدار ہمارے جسم کے لئے بہت ضروری ہے اور جب ہم ضرورت سے کم نمک لیتے ہیں تو ہمارا دماغ متحرک ہوکر ہمیں پیغام دینا شروع کردیتا ہے کہ اسے میٹھے کی ضرورت ہے۔

انہوں نے کہاکہ جب ہم ضرورت سے کم نمک لیتے ہیں تو ہمارے جسم کے اندر ‘اندرونی بھوک’ کا عمل شروع ہوجاتا ہے ، ہمارے جسم کو لگتا ہے کہ اب سوڈیم کو محفوظ کرنے کی ضرورت ہے۔لہذا، جسم آپ کے گردوں کو پیغام دیتا ہے کہ آپ کو زیادہ سوڈیم کی ضرورت ہے اس لیے یہ زیادہ انسولین خارج کرے تاکہ گردے خون سے سوڈیم کو دوبارہ جذب کر سکیں۔

اس حوالے سے ماہرین غذائیت مشورہ دیتے ہیں کہ اگلی بار جب بھی آپ کو میٹھے کی طلب ہوتو چینی کے بجائے نمک کو آزمائیں۔