دنیا بھر میں ہارٹ اٹیک کی شرح میں دن بدن اضافہ ہوتا جارہا ہے اور نوجوانوں سمیت وہ افراد جو بظاہر تندرست نظر آتے ہیں انہیں بھی ہارٹ اٹیک ہورہا ہے۔

اب یہاں سوال یہ ہے کہ وہ لوگ جو بظاہر تندرست اور فٹ نظر آتے ہیں انہیں ہارٹ اٹیک کیوں ہوتا ہے؟

      اس کی کئی وجوہات ہیں جنہیں ہم نظر انداز کردیتے ہیں تو آئیے جانتے ہیں کہ روزمرہ معمولات میں ہم وہ کیا چیزیں نظر انداز کرتے ہیں جو ہمارے دل کی صحت پر اثر ڈالتی ہیں۔

یہ بھی پڑھیں: کھانے کے بعد احساسات کو لکھنا صحت مند کھانے کی ترغیب دلاتا ہے، تحقیق

فٹنس کیا ہے؟

زیادہ تر لوگ سمجھتے ہیں کہ فٹنس وہ ہوتی ہے جو بظاہر آپ کا جسم دکھ رہا ہو، یعنی آپ اگر دُبلے پتلے ہیں تو آپ فٹ ہوگئے اور اگر موٹے ہیں تو آپ فٹ نہیں ہیں۔

لیکن یہ خیال بالکل غلط ہے، اصل فٹنس جسم کی وہ حالت ہے جہاں ذہنی اور جسمانی صحت اچھی اور متوازن ہوتی ہے۔

یہاں ہم آپ کو ان عام چیزوں کے بارے میں بتائیں گے جن کو نظر انداز کرنا فٹ لوگوں کے ہارٹ اٹیک کا سبب بن سکتا ہے۔

ورزش

فٹنس کا مطلب ہے جسم کو صحیح مقدار میں ٹریننگ دینا یعنی ایک حد میں ورزش کرنا، کچھ افراد مسلسل ورزش کرتے ہیں، اس سے ان کی صحت کو نقصان پہنچتا ہے۔

 نیند پوری نہ لینا

ایک بالغ انسانی جسم کو روزانہ کی بنیاد پر 7-8 گھنٹے کی نیند کی ضرورت ہوتی ہے، اس سے کم نیند آپ کو مختلف پریشانیوں میں مبتلا کرسکتی ہے اور نیند کی کمی قلبی صحت کے لیے زیادہ خطرہ ہے۔

یہ بھی پڑھیں: جوڑوں کو صحت مند رکھنے کے لیے یہ غذائیں استعمال کریں

صحت کے دیگر مسائل

فٹنس کے معنی ہی یہی ہیں کہ جسمانی صحت کے ساتھ ساتھ دماغی صحت کو بھی یقینی بنایا جائے، بہت سے لوگ اپنی صحت کا خیال نہیں رکھتے جس کا اثر دل پر ہوتا ہے۔