خواتین خود کو جوان رکھنے کے لیے کئی طرح کے جتن کرتی ہیں اس سلسلے میں وہ سب سے زیادہ خیال اپنے چہرے کا رکھتی ہیں، اسے جھریوں سے پاک اور جلد کی شادابی کے لیے وہ مختلف مصنوعات کا استعمال بھی کرتی ہیں۔

یہ مصنوعات کیمیکلز سے بھرپور ہونے پر اکثر جلد کے لیے نقصان کا باعث بنتی ہے۔

تو آج ہم آپکو چہرے پر جھریوں کا باعث بننے والی عام وجوہات بتائیں گے۔

سورج کی روشنی

سورج کی روشنی سے جِلد کو بچانے کی کوشش نہ کرنے سے جوانی میں جھریاں ابھر سکتی ہیں۔

سورج کی روشنی میں گھومنے کے دوران ٹوپی کا استعمال کریں جبکہ سن اسکرین سے بھی مدد لیں۔

یہ بھی پڑھیں: چہرے کو کئی برس جواں بنانے کے لیے یہ منفرد طریقہ آزمائیں

ممکن ہو تو سورج کی روشنی میں زیادہ وقت تک گھومنے سے گریز کریں، خاص طور پر صبح 10 بجے سے سہ پہر 3 بجے تک، جب الٹرا وائلٹ شعاعوں کی شدت سب سے زیادہ ہوتی ہے۔

تمباکو نوشی کرنا

تمباکو نوشی آپ کی جِلد کے لیے تباہ کن ہوتی ہے اور اس کے نتیجے میں کم عمری میں ہی چہرے پر جھریاں نمایاں ہو جاتی ہیں۔

نیند کی کمی

نیند کی کمی کے نتیجے میں لوگ قبل از وقت بوڑھے نظر آنے لگتے ہیں۔

محض ایک رات کی نیند متاثر ہونے سے بھی جھریوں کا خطرہ بڑھتا ہے۔

جِلد کا خیال نہ رکھنا

عمر بڑھنے کے ساتھ جِلد خشک اور حساس ہونے لگتی ہے اور اگر اس کا خیال نہ رکھا جائے تو یہ سلسلہ قبل از وقت شروع ہو سکتا ہے۔

یہ بھی پڑھیں: جھریوں سے پاک صحت مند جلد کے لیے یہ ماسک استعمال کریں

سونے کا انداز

پہلو یا پیٹ کے بل سونے کی عادت کے نتیجے میں جِلد پر شکنیں بڑھتی ہیں اور چہرے پر جھریاں نمایاں ہو جاتی ہیں۔

اس طرح کے سونے کے انداز سے جِلد پر دباؤ بڑھتا ہے اور جھریاں بننے لگتی ہیں۔