ویسے تو کھجوروں کو سپرفوڈ نہیں سمجھا جاتا مگر یہ صحت کے لیے کسی سے کم نہیں۔

یہ صحت کو بہت زیادہ فوائد پہنچانے والا پھل ہے جسے ہر ایک کو ضرور کھانا چاہیے۔

آئیے کھجور کھانے کے فوائد جانتے ہیں۔

چینی کا متبادل

کھجوروں میں قدرتی مٹھاس کافی زیادہ ہوتی ہے اور اسی وجہ سے یہ پھل چینی کا اچھا متبادل ہے کیونکہ اس میں غذائی اجزا، فائبر اور اینٹی آکسائیڈنٹس بھی موجود ہوتے ہیں۔

ہڈیوں کی صحت بہتر کرے

کھجوریں فاسفورس، کیلشیئم اور میگنیشم سمیت متعدد منرلز سے لیس ہوتی ہیں اور یہ سب عمر بڑھنے کے ساتھ ہڈیوں میں آنے والی کمزوری کی روک تھام کے لیے اہم ہیں۔

یہ بھی پڑھیں: کھجور میں یہ چیز ملا کر کھائیں اور خون کی کمی کو پورا کریں

بلڈ شوگر کنٹرول

اعتدال میں رہ کر کھجور کھانے سے بلڈ شوگر کی سطح میں بھی کمی آسکتی ہے۔

اس کی وجہ کھجوروں میں فائبر، اینٹی آکسائیڈنٹس اور دیگر اجزا کی موجودگی ہے۔

پوٹاشیم کی موجودگی

کھجوروں میں پوٹاشیم کی مقدار کافی زیادہ ہوتی ہے، یہ غذائی جز بلڈ پریشر کو کنٹرول کرنے کے لیے بہت اہم ہوتا ہے جس سے امراضِ قلب کا خطرہ کم ہوتا ہے۔

اس کے ساتھ ساتھ پوٹاشیم سے جسم کو مسلز بنانے میں مدد ملتی ہے۔

بانجھ پن سے ممکنہ تحفظ

کھجور کھانے سے بانجھ پن کی علامات میں کمی آ سکتی ہے۔

کھجور کتنے مقدار میں کھانا صحت کے لئے مفید ہے؟

ماہرین کا کہنا ہے کہ روزانہ 3 کھجوریں صحت کے لیے بہت مفید ہوتی ہیں جبکہ اس سے زیادہ کھانے سے صحت کو نقصان بھی پہنچ سکتا ہے۔