بڑھتی عمر کے ساتھ ساتھ انسانی دماغ تنزلی کا شکار ہونے لگتا ہے اور اس کا نتیجہ بڑھاپے میں الزائمر اور ڈیمینشیا جیسے امراض کی شکل میں بھی نکل سکتا ہے۔

لیکن آج ہم آپ کو ایسی عام عادات کے بارے میں بتائیں گے جن کو اپنا کر آپ ایسی بیماریوں سے خود کو بچا سکتے ہیں۔

 دوست بنائیں

نئے دوست بنانے سے دماغ کے وہ افعال بہتر ہوتے ہیں جو یادداشت، توجہ بھٹکنے سے بچانے اور توجہ مرکوز کرنے میں مدد فراہم کرتے ہیں۔

ہنسنا مت بھولیں

تناؤ سے دماغ میں کورٹیسول نامی ہارمون خارج ہوتا ہے جس سے واضح طور پر سوچنا مشکل ہو جاتا ہے، وقت گزرنے کے ساتھ زیادہ تناؤ کے باعث سیکھنے اور یادداشت جیسے افعال متاثر ہوتے ہیں۔

یہ بھی پڑھیں: پروٹین سے بھرپور اسمودی، جو یاداشت اور عملی افعال کو بہتربنائیں

ہنسنے کی عادت سے دماغ کو تناؤ سے تحفظ ملتا ہے اور دماغ میں کورٹیسول کی سطح میں کمی آتی ہے۔

گھر سے باہر نکلیں

فطری مناظر سے ہمارے ذہن کو سکون پہنچتا ہے اور تناؤ میں کمی آتی ہے، درحقیقت صرف کھڑکی سے باہر دیکھنے سے بھی یہ فائدہ ہو سکتا ہے۔

جب آپ گھر سے باہر وقت گزارتے ہیں تو دماغ کو روزمرہ کی مصروفیات کے دباؤ سے بچنے کا موقع ملتا ہے جس سے اس کی توجہ مرکوز کرنے کی صلاحیت بہتر ہو جاتی ہے۔

معمولات میں تبدیلی لائیں

روزانہ ایک ہی ناشتہ کھانے میں کوئی برائی نہیں یا ایک ہی راستے سے دفتر جانے سے بھی کوئی نقصان نہیں ہوتا مگر کبھی کبھار کچھ نیا کرنا دماغ کے لیے بہترین ہوتا ہے۔

کچھ نیا سیکھنا

کسی نئی صلاحیت، زبان یا موضوع کے بارے میں جاننے سے دماغ کے متعدد خلیات کو فائدہ ہوتا ہے، اس کے لیے آپ کسی مشغلے کو اپنا سکتے ہیں جیسے کسی ساز کو بجانے سے درمیانی عمر میں بہتر طریقے سے سوچنے میں مدد ملتی ہے۔

ایک وقت میں ایک چیز پر توجہ مرکوز کریں

اگر آپ بیک وقت ٹی وی دیکھنے، ٹیکسٹ میسج بھیجنے اور سوشل میڈیا فیڈ پر اسکرولنگ کر رہے ہیں تو یہ ملٹی ٹاسکنگ دماغ کے لیے اچھی نہیں ہوتی۔

جب ہمارا دماغ ایک وقت میں کئی کام کر رہا ہوتا ہے تو اس کے لیے توجہ مرکوز کرنا، یادداشت کو منظم کرنا اور ایک سے دوسرے کام پر سوئچ ہونا مشکل ہو جاتا ہے۔

اس عادت سے بتدریج دماغی افعال تنزلی کے شکار ہو جاتے ہیں۔

ورزش کریں

ورزش کرنے سے جسم کے ساتھ ساتھ دماغ کو بھی فائدہ ہوتا ہے، ورزش کرنے سے سوچنے اوردلائل پیش کرنے جیسی صلاحیتیں بہتر ہوتی ہیں کیونکہ جسمانی سرگرمیوں سے دماغ کے لیے خون کا بہاؤ بڑھتا ہے۔

آرام کا خیال رکھیں

جب آپ نیند کی کمی کے شکار ہوتے ہیں تو دماغ کے لیے ایک عام کام بھی بہت مشکل ہو جاتا ہے۔

یہ بھی پڑھیں: ان اجزاء سے پرہیز کریں جو یاداشت میں کمی کا باعث بنتے ہیں

تو اچھی دماغی صحت کے لیے روزانہ 7 سے 9 گھنٹے نیند ضروری ہوتی ہے۔

تمباکو نوشی سے گریز کریں

تمباکو میں متعدد ایسے کیمیکلز ہوتے ہیں جو دماغ کے لیے نقصان دہ ہوتے ہیں اور یہی وجہ ہے کہ تمباکو نوشی سے ذہنی تنزلی اور ڈیمینشیا کا خطرہ بڑھتا ہے۔

اس