صحت مند رہنے کے لیے وزن کو اعتدال میں رکھنا نہایت ضروری ہے یہی وجہ ہے دنیا بھرمیں لوگ وزن کو کم کرنے اور اسے توازن میں رکھنے کے لیے کئی طرح کے طریقے استعمال کرتے ہیں۔ ان میں ایک مخصوص غذاؤں کا انتخاب ہے۔

اگر آپ وزن کم کرنے کے خواہشمند ہیں تو دیکھیں کہ آپ کی خوراک میں کس قسم کی غذائیں شامل ہیں اور یہ آپ کی بھوک اور طلب کا بڑھاتی ہیں یا کم کرتی ہیں۔ اور طلب بڑھنے کی صورت میں آپ غیر صحت بخش غذاؤں کی جانب رخ کرتے ہیں جو وزن بڑھانے کے ساتھ کئی امراض کا سبب بنتی ہیں۔

تاہم کچھ غذائیں ایسی ہوتی ہیں جو صحت بخش ہونے کے ساتھ  وزن کم کرنے میں مدد فراہم کرتی ہیں یہاں پر ان ہی غذاؤں کے بارے آگاہ کیا جارہا ہے۔

گریاں

تحقیق کے مطابق بادام مونوسیچوریٹڈ چکنائی سے بھرا ہوتا ہے جو بھوک کو کنٹرول کر کے آپ کو غذا کے زیادہ طلب سے بچاتا ہے۔

انار

انار میں اینٹی آکسیڈینٹس اورپولیفینول کی کثیر مقدار پائی جاتی ہے جو میٹابولزم کو تیز کر کے کیلوریز کو کم کرنے میں مدد فراہم کرتی ہے۔

دلیہ

دلیہ فائبر سے بھرا ہونے کی وجہ سے دیر سے ہضم ہوتا ہے اور اس طرح آپ کا پیٹ بھرا رہتا ہے ساتھ دلیہ بھوک کو کنٹرول کرنے والے ہارمون کو بھی منظم کرتا ہے۔

سیب

تحقیق کے مطابق سیب میں پایا جانے والا ارسولک ایسڈ جوکہ سیب کے چھلکوں میں قدرتی طور پر موجود ایک مرکب ہے جو وزن کم کرنے میں مدد مدد فراہم کرتا ہے۔ جبکہ اس میں موجود پکٹین خون میں چینی کی سطح کو بڑھنے سے روکتا ہے۔

پودینہ

پودینے نہ صرف سکون آور خصوصیات کی بناپر جانا جاتا ہے بلکہ یہ بھوک کو کم کرنے میں بھی معاون ثابت ہوتا ہے، تو وزن کم کرنے کے لیے  پودینہ کی چائے ایک بہترین طریقہ ثابت ہوسکتی ہے۔

تواب یہ قدرتی غذائیں آپ کی بھوک کو کنٹرول کر کے کھانے کی طلب کو رو کنے مدد فراہم کریں گی اس طرح آپ غیر صحت بخش غذاؤں سے محفوظ رہے گے۔