آج ہم آپکو بتائیں گے کہ سخت گرمی میں جسم کو ٹھنڈا رکھنے کے لئے کونسی 5 چیزیں کھائیں۔

زیادہ تر افراد اس موسم میں پھل اور سبزیاں کھانے کو ترجیح دیتے ہیں جو بالکل درست کرتے ہیں۔

تربوز

موسم گرما کے لیے سب سے زیادہ ہائیڈریٹنگ فوڈز میں سے ایک لذیذ، تر و تازہ تربوز ہے۔

تربوز غذائیت کے ساتھ جسم کی گرمی بھی مارتا ہے۔ یہ ذائقہ فراہم کرنے کے ساتھ ساتھ صحت کے لیے بھی بہت فائدہ مند ہے۔

چیری

گرمیوں  میں لطف اندوز ہونے والے سب سے خوشگوار پھلوں میں سے ایک چیری ہے۔

چیریز جسم کے کسی بھی حصے میں ہونے والی سوزش میں کمی کی وجہ بن سکتی ہیں، اس کے علاوہ چیریز میں صحت مند زندگی کا راز پوشیدہ ہے۔

کھیرے

کھیرے میں کیلوریز، کاربوہائیڈریٹ، نمک، چکنائی اور کولیسٹرول قدرتی طور پر کم ہوتے ہیں چونکہ ان میں 95 فیصد پانی ہوتا ہے اس لیے کھیرے قدرتی طور پر ہائیڈریٹ ہوتے ہیں جو ٹھنڈا رہنے کے لیے ضروری ہے۔

مکئی

مکئی ایک کارب سے بھرپور غذا ہے جو فائبر، وٹامنز اور معدنیات سے مالامال ہوتی ہے۔

اس میں پروٹین اور چکنائی کی مقدار بھی کم ہوتی ہے جو اسے موسم گرما میں ایک شاندار سائیڈ ڈش یا اسنیک کے طور پر پیش کرتی ہے۔

اسے کھانے سے جسم میں گرمی نہیں ہوتی اور آپ کا نظامِ ہاضمہ بھی بالکل ٹھیک رہتا ہے۔

خربوزہ یا گرما

خربوزہ یا گرما سخت گرمی کے موسم میں کھانے والے پھل ہیں جو آپ کے جسم میں پانی کی کمی نہیں ہونے دیتے۔