اگر آپ کو روزانہ مصروفیات کے باعث ورزش کرنے کا وقت نہیں ملتا تو آپ ہفتہ وار تعطیل کے موقع پر ورزش کر کے امراض قلب بشمول ہارٹ اٹیک اور فالج سے خود کو بچا سکتے ہیں۔

حال ہی میں کی گئی ایک تحقیق سے یہ بات سامنے آئی ہے کہ اگر آپ کو پورا ہفتہ ورزش کرنے کا وقت نہیں ملتا تو آپ صرف ویک اینڈ پر ورزش کرکے خود کو تندرست رکھ سکتے ہیں۔

 تحقیق میں کہا گیا ہے کہ جو افراد ہفتے میں دودن ورزش کو اپنا معمول بنالیں گے تو نہ صرف ان کی صحت برقرار رہے گی بلکہ ان میں دل کی بیماری اور فالج کا خطرہ پورے ہفتے ورزش کرنے والے افراد کے مقابلے میں نسبتاً کم ہوگا۔

بوسٹن کے ایک اسپتال کے کارڈیالوجسٹ ڈاکٹر پیٹرک ایلنور کا کہنا ہے کہ تحقیق کے نتائج سے پتہ چلتا ہے کہ ہفتے میں ایک یا دو دن ورزش صحت مند دل کیلئے بہت مفید ہے۔

محققین نے برطانیہ کے بائیو بینک پروجیکٹ میں شامل تقریبا 90,000 افراد کے میڈیکل ریکارڈ کا جائزہ لیا اور یہ نتیجہ اخذ کیا کہ ایک تہائی افراد پورے ہفتے میں 150 منٹ سے بھی کم ورزش کرتے تھے جبکہ 42 فیصد ویک اینڈ میں کم از کم 150 منٹ کی ورزش کرتے تھے۔

ماہر امراض قلب ڈاکٹر شان خورشید کی ٹیم نے دریافت کیا کہ ہفتے کے آخر میں ورزش کرنے والوں میں دل کا دورہ پڑنے کا خطرہ 27 فیصد اور ہفتے کے دوران ورزش کرنے والوں میں 35 فیصد کم تھا۔

محققین نے جب ہارٹ فیلیئر سے متعلق جائزہ لیا تو ہفتے کے آخر اور باقاعدگی سے ورزش کرنے والوں میں یہ خطرہ تقریباً 38 فیصد اور 36 فیصد کم تھا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں