آج ہم آپکو اُن غذاؤں کے بارے میں بتائیں گے جنہیں کھا کر زیادہ دیر تک بھوک محسوس نہیں ہوتی۔

ماہرِ خوراک کے مطابق اگرچہ کھانے کی کچھ چیزیں، مثلاً مرچیں اور ادرک، کھانے سے ہماری بھوک کم پڑ جاتی ہے۔

لیکن تحقیق میں اکثر بڑی مقدار میں کھائی جانے والی خوراک کے اثرات کا جائزہ لیا جاتا ہے اور یہ تحقیق انسانوں کی بجائے جانوروں پر کی جاتی ہے جبکہ انسانوں پر اثرات کا مطالعہ ابھی تک نہیں کیا گیا ہے۔

تاہم ایک تحقیق ایسی سامنے آئی ہے جس میں یہ دیکھا گیا ہے کہ آیا مرچ میں پائی جانے والی ایک شے (کیپسیسن) واقعی بھوک کم کرتی ہے یا نہیں۔ کیپسیسن وہ عنصر ہوتا ہے جو مرچوں کو تیکھا ذائقہ دیتا ہے۔

تحقیق کے آغاز میں ماہرِ خوراک پروفیسر میری جون لوڈی نے اپنے کھانوں میں آہستہ آہستہ مرچوں کی مقدار بڑھانا شروع کر دی، جب ان کو لگا کہ ان کے علاقے میں رہنے والے لوگ اس سے زیادہ تیکھا کھانا نہیں کھا سکتے تو انہوں نے اپنی تحقیق کا دائرہ وسیع کر دیا تاکہ دیکھا جائے کہ کیپسیسن کھانے سے بھوک مر جاتی ہے یا نہیں۔

اس مقصد کے لیے انہوں نے 25 لوگوں کو 6 مرتبہ اپنی لیبارٹری میں بلایا اور انہیں ٹماٹر کے سُوپ کے پیالے پینے کو دیے۔

سوپ پینے کے بعد یہ لوگ ساڑھے چار گھنٹے کے لیے لیبارٹری میں ہی رہے تاکہ یہ دیکھا جائے کہ اس سوپ کا ان کی بھوک پر کیا اثر پڑا اور اس دوران ان کی جسمانی توانائی میں کیا اتار چڑھاؤ ہوا۔ مقررہ وقت کے بعد انہیں ایک اور کھانا دیا کہ کہا گیا کہ وہ جتنا کھا سکتے ہیں کھائیں۔

جس دن ان لوگوں کے سوپ میں ایک گرام مرچیں ڈالی گئیں، تو اگلے ساڑھے چار گھنٹے میں ان کے جسم میں 10 کیلوریز کی کمی دیکھی گئی، یعنی انہوں نے زیادہ توانائی خرچ کی۔

تجربے میں شامل وہ افراد جو مہینے میں صرف ایک مرتبہ مرچیں کھاتے تھے، ان کا کہنا تھا کہ مرچوں والا سوپ پینے کے بعد انہیں اگلے کھانے کا خیال کم آیا، یعنی ان کی بھوک کم ہو گئی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں