اگر آپ بھی ناخن گوشت میں گھسنے سے پریشان ہیں تو اب اس کی ضرورت نہیں کیونکہ آج ہم آپ کو ایسے ٹوٹکے بتائیں گے جن کو استعمال کرنے سے آپ کو اس پریشانی سے نجات مل جائے گی۔

پاؤں کے ناخن کا گوشت میں گڑ جانا ایک انتہائی تکلیف دہ مگر پیروں کا بہت عام مسئلہ ہے جو ناخن کے ایک یا دونوں جانب ہوسکتا ہے۔

یہ مسئلہ تنگ جوتے، چوٹ، جینز اور غلط انداز سے ناخن کاٹنے کی وجہ سے ہوتا ہے۔

آپ کو کرنا صرف یہ ہے کہ پہلے تو اپنے پیروں کو اچھی طرح دھو لیں اور پھر متاثرہ ناخن پر 2 سے تین قطرے پودینے کے تیل کے لگائیں۔

یہ عمل دن میں 2 بار کرنے سے درد کو فوری آرام آجائے گا۔

 اس کے علاوہ بیکنگ سوڈا ہر گھر میں ہی موجود ہوتا ہے تو اگر کبھی ایسا ہو تو آدھا چائے کا چمچ بیکنگ سوڈا لے کر اس پر چند قطرے پانی ڈال کر گاڑھا پیسٹ بنالیں، اس پیسٹ کو متاثرہ حصے اور ارگرد لگالیں، جس کے بعد بینڈیج سے ڈھک دیں۔ اس سے آپکو بہت فائدہ ہوگا۔

لہسن کا استعمال ویسے تو کھانوں میں ہوتا ہے لیکن یہ اس حالت میں دوا کے طور پر کام آتا ہے، اگر آپ کا ناخن گوشت میں گھس جائے اور اس میں تکلیف ہو تو لہسن کے 2 سے تین ٹکڑے پیس لیں اور پھر انہیں زخم پر لگائیں۔

 پیاز بھی ایک ایسی سبزی ہے جس کو ہم دوا کے طور پر بھی استعمال کر سکتے ہیں۔ کرنا یہ ہے کہ رات کو سونے سے قبل پیاز کو کاٹ لیں اور ایک ٹکڑے کو زخم پر رکھ دیں۔

ناریل کا تیل بھی اگر لگائیں تو اس میں موجود فیٹی ایسڈز فنگل کش اور ورم کش ہوتے ہیں جو کہ گوشت میں دھنس جانے والے ناخن کو باہر نکالنے کے ساتھ درد سے ریلیف فراہم کرتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں