چائے پانی کے بعد دنیا کا دوسرا مقبول ترین مشروب ہے، جبکہ کافی کو جگانے اور ارتکاز بڑھانے کا ذریعہ سمجھا جاتا ہے۔ لیکن اگر آپ جسمانی اور ذہنی صحت کے فوائد کو مد نظر رکھتے ہوئے دونوں میں سے کسی ایک کا انتخاب کرنا چاہتے ہیں تو وہ کونسا ہوگا۔

چائے اور کافی دونوں کے ہی صحت کے حوالے سے ان گنت فوائد سامنے آئیں ہیں لیکن ہر چیز کی طرح ان کا بھی استعمال اگر اعتدال میں کیا جائے۔ اگرآپ کو کیفین کی طلب ہورہی ہے تو کون سا مشروب کافی یا چائے، آپ کے دن بھرتوانا رکھ سکتا ہے۔

صحت کے فوائد

 کافی اور چائے دونوں ہی صحت بخش مشروب ہیں ماہرین کا کہنا ہے کہ  کافی پینے کے متعدد صحت کے فوائد ثابت ہوئے ہیں، بشمول سوزش کو کم کرنا اور دل اور آنتوں کی صحت کو بہتر بنانا۔

کافی پینے سے دل کی بیماری اور ذیابیطس کا خطرہ بھی کم ہوتا ہے۔ امریکن جرنل آف کلینیکل نیوٹریشن میں شائع ہونے والی ایک تحقیق کے مطابق کافی کا باقاعدگی سے استعمال دل کی بیماری کے کم خطرے سے منسلک ہے۔

اسی طرح چائے پر کی جانے والی تحقیق میں بھی اسے امراض قلب کے لیے مفید قرار دیا گیا ہے۔ چائے کا استعمال دل کی بیماری اورکینسر کے خطرے کو کم کرنے سے منسلک ہے۔

  کینسر ایپیڈیمولوجی، بائیو مارکرز اینڈ پریونشن نامی جریدے میں شائع ہونے والی ایک تحقیق میں پتا چلا ہے کہ چائے کا استعمال بعض کینسروں کے خطرے کو کم کرتا ہے، بشمول رحم اور چھاتی کا کینسر۔

اگرچہ کسی بھی مشروب میں فائبر نہیں ہوتا ہے، آپ فائبر سے بھرپور ناشتے (جیسے کہ ٹوسٹ یا پھل) کے ساتھ ان کا لطف اٹھا سکتے ہیں یا فائبر کے مواد کو بڑھانے کے لیے اپنی کافی یا چائے میں پاؤڈر فائبر سپلیمنٹ بھی ڈال سکتے ہیں۔

کیفین

کافی اور چائے دونوں میں کیفین ہوتی ہے۔ ایک معیاری 8 آونس کپ کافی میں تقریباً 95 ملی گرام کیفین ہوتی ہے، جب کہ کالی چائے کے ایک کپ میں تقریباً 50 ملی گرام، اور سبز چائے میں تقریباً 30 ملی گرام ہوتی ہے۔

ارتکاز

جبکہ چائے میں کیفین بھی ہوتی ہے اور یہ علمی افعال اور ارتکاز کو بہتر بناتی ہے۔ تاہم اس میں موجود تھینائن، ایک امائنو ایسڈ ہے جو تناؤ کو کم کرکے چائے کی افادیت کو مزید بڑھا دیتا ہے۔

توانائی

کافی میں کیفین ہوتی ہے، جو توجہ اور علمی افعال کو بہتر بنانے میں مدد کرتی ہے۔” تاہم، اگر آپ ضرورت سے زیادہ کیفین کا استعمال کرتے ہیں تو یہ منفی اثر ڈال سکتا ہے۔

کافی یا چائے سے مکمل فائدہ اٹھانے کے لیے ضروری ہے اسے بغیر چینی کے استعمال کیا جائے۔ اگر آپ اپنی کافی یا چائے میں مٹھاس شامل کرنا چاہتے ہیں، تو قدرتی مٹھاس، جیسے شہد یا ناریل شوگر، کو بھی استعمال کر سکتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں