سیب کا سرکہ جسے انگریزی میں ایپل سائڈرونیگر کہاجاتا ہے اپنی قدرتی خصوصیات کی وجہ سے بالوں اور جلد کی صحت کے لیے بہت سے فوائد پیش کرتا ہے۔ تاہم، اس کا تیزابی اثرکئی طرح کے مسائل کا سبب بن سکتا ہے۔

جب  بھی جلد اور بالوں کی قدرتی طور پر نگہداشت کی بات آتی ہے جو بہت سارے گھر میں موجود اجزاء اس ضمن میں بے حد مفید ثابت ہوتے ہیں انہی میں سیب کا سرکہ بھی شامل ہے۔ یہ وٹامنز، معدنیات اور ایسیٹک ایسڈ سے بھرپورصحت مند جلد اور بالوں کو فروغ دینے کی صلاحیت کے لیے جانا جاتا ہے۔ تاہم، اس تیزابی محلول کو اپنی خوبصورتی کے معمولات میں شامل کرنے سے پہلے، اس کے فوائد، ممکنہ نقصانات اور محفوظ استعمال کو سمجھنا نہایت ضروری ہے۔

 بالوں اور جلد کے لیے سیب کے سرکے کا استعمال کرنے سے قبل ان باتوں کو ضرور یاد رکھیں۔

جلد اور بالوں کے لیے سیب کے سرکے کے نقصانات

سیپ کا سرکہ جلد اور بالوں کے مسائل کے لیے قدرتی علاج کے طور پر مقبولیت حاصل کر چکا ہے، لیکن اس کے ممکنہ خطرات سے آگاہ ہونا بھی ضروری ہے۔ بالوں اور جلد کے لیے اس سرکے  کے استعمال کے خطرات یہ ہیں۔

اس کی تیزابی خصوصیت جلن، سرخی کا سبب بن سکتی ہے، خاص طور پر اگر اس کا استعمال خالص کیا جائے۔

یہ جلد کے پی ایچ توازن میں خلل ڈال سکتا ہے، جو خشکی اور حساسیت کا باعث بنتا ہے، خاص طور پر ان لوگوں میں جن کی جلد حساس ہوتی ہے یا ایگزیما کا مرض ہو۔

سیب کا سرکہ بالوں سے قدرتی تیل اور پروٹین کو کم کرکے انہیں کمزور کرسکتا ہے، اس طرح بال گرنے لگتے ہیں۔

اس کے زیادہ استعمال سے بالوں کا رنگ بھی متاثر ہوسکتا ہے۔

اس کا طویل یا زیادہ استعمال ممکنہ طور پر زیادہ شدید پیچیدگیوں کا باعث بن سکتا ہے، جیسے بالوں کا گرنا۔

ان خطرات کو کم کرنے کے لیے سیب کے سرکہ کو جلد اور بالوں کی دیکھ بھال اور حفاظت کے معمولات میں استعمال کرنے سے قبل ماہر امراض جلد سے مشورہ کرنا ضروری ہے۔

بالوں اور جلد کے لیے سیب کے سرکہ کا استعمال کیسے کریں؟

بالوں اور جلد کے لیے اس سرکہ کو مؤثر طریقے سے استعمال کرنے کے لیے، ان ہدایات پر عمل کریں۔

سیب کے سرکہ کی تیزابیت کو کم کرنے کے لیے ایک حصہ سیب کا سرکہ اور تین حصے پانی ملا کر استعمال کریں۔

 ہمیشہ پیچ ٹیسٹ کریں اپنے چہرے پر لگانے سے پہلے، اپنی جلد کے ایک چھوٹے سے حصے پر پیچ ٹیسٹ کریں تاکہ کسی قسم کے رد عمل یا الرجی کی جانچ کی جا سکے۔

نازک اور کمزرو بالوں والے افراد کو اس کے استعمال سے گریزکرنا چاہئے۔

سیب کے سرکے میں موجود ایسٹک ایسڈ سورج کی روشنی کی حساسیت کو بڑھا سکتا ہے۔ اسے  لگانے کے بعد باہر جاتے وقت سن اسکرین کا استعمال ضرور کریں۔

روئی کا استعمال کرتے ہوئے سیب کے سرکے کو احتیاط سے مہاسوں کے دھبوں پر لگائیں، اور حساس جلد پر لگانے سے گریز کریں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں