صحت مند جسم کے لیے جہاں متوازن غذا ضروری ہے وہی اس میں دیگر وٹامنز اور منرلز کا صحیح تناسب بھی اہمیت رکھتا ہے اسی میں وٹامن ڈی بھی شامل ہے۔

وٹامن ڈی کی افادیت سے کون واقف نہیں یہ ہڈیوں کی صحت کے لیے بہترین تصور کیاجاتا ہے تاہم، حالیہ تحقیق کے مطابق یہ وٹامن دل کی بہتر صحت کا بھی ضامن ہے۔

ذہنی اور جذباتی تندرستی کے ساتھ وٹامن ڈی جسمانی صحت کو فروغ دے کر آپ کی مجموعی صحت کو بہتر بناتا ہے۔ وٹامن ڈی جسم میں کیلشیم اور فاسفیٹ کو منظم کرنے میں مدد کرتا ہے، جو دانتوں اور ہڈیوں کی صحت کے لیے اہم ہے۔

دیکھا گیا ہے کہ جتنی اس وٹامن کی اہمیت ہے اسی تناسب سے لوگوں میں اس کی کمی پائی جاتی ہے وٹامن ڈی کے حصول کا سب آسان اور سستا ذریعہ سورج کی روشنی ہے تاہم دیگر غذاؤں میں بھی اس کی کثیر مقدار پائی جاتی ہے اسی میں انڈے بھی شامل ہیں۔

انڈے وٹامن ڈی کے بہترین ذرائع میں سے ایک ہیں اور اس اہم وٹامن سے بھرپور ہوتے ہیں۔ یو ایس ڈی اے کے مطابق ایک بڑے انڈے میں آپ کی یومیہ تجویز کردہ مقدار کا تقریباً 11فیصد وٹامن ڈی ہوتا ہے۔ اس کا مطلب یہ ہے کہ اگر آپ ناشتے میں دو انڈے کھاتے ہیں تو اس طرح آپ 22 فیصد وٹامن ڈی حاصل کر سکتے ہیں۔

اگرچہ سورج وٹامن ڈی کا ایک بڑا ذریعہ ہے، لیکن ان لوگوں کے لیے جو دن میں کافی سورج کی روشنی حاصل نہیں کر پاتے، ماہرین کا مشورہ ہے کہ وٹامن ڈی کو غذائی ذرائع سے حاصل کرنا صحت اور تندرستی کی کلید ہے۔

اگر آپ وٹامن ڈی کے لیے انڈے کو غذا میں شامل رکھ رہے ہیں تو زردی سمیت پورا انڈا کھائیں۔اگرچہ صرف انڈے کی سفیدی کھانا ایک صحت مند انتخاب ہے لیکن انڈے کی زردی ہر قسم کے غذائی اجزاء سے بھری ہوتی ہے جو آپ کے جسم  کے لیے ضروری سمجھے جاتے ہیں، جیسے کہ پروٹین۔ اگر آپ زردی کے بغیر انڈا کھاتے ہیں تو آپ وٹامن ڈی کی کافی مقدار کھو سکتے ہیں۔

اگرچہ انڈے کی زردی کولیسٹرول سے بھرپور ہوتی ہے لیکن ایسے افراد جو جسمانی سرگرمیوں میں حصہ لیتے ہیں تو یہ کولیسٹرول ان کے لیے بہتر ہے۔

انڈے میں اتنی مقدار میں وٹامن ڈی کیسے ہوتا ہے؟ اس کا تعلق سورج کی روشنی  کی نمائش سے ہے جس میں مرغی کو رکھا جاتاہے۔

انسانوں کی طرح، مرغیاں بھی زیادہ وٹامن ڈی پیدا کر سکتی ہیں اگر وہ زیادہ سورج کی روشنی میں رہیں یہی وجہ ہے باہر کے ممالک میں پنجرے میں دیئے جانے والے انڈوں کے بجائے باہر کھیت میں دیئے جانے والے انڈوں کی مانگ میں اضافہ ہورہا ہے جس میں مرغیاں کھیت میں آزادی سے گھومتے ہوئے انڈے دیتی ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں