آج ہم آپکو جسمانی وزن میں کمی لانے کا بہت ہی مزیدار طریقہ بتائیں گے۔

ایک حالیہ تحقیق کے مطابق جسمانی وزن میں کمی لانا چاہتے ہیں تو بادام کھانا شروع کردیں۔

جی ہاں، تحقیق میں بتایا گیا کہ غذا میں باداموں کا اضافہ نہ صرف جسمانی وزن میں کمی لانے میں مدد فراہم کرتا ہے بلکہ اس سے دل کی صحت بھی بہتر ہوتی ہے۔

اس تحقیق میں 106 ایسے افراد کو شامل کیا گیا تھا جو موٹاپے کے شکار تھے اور انہیں پہلے مرحلے میں محدود کیلوریز پر مشتمل غذا کا استعمال 3 ماہ تک کرایا گیا۔

اس کے بعد 6 ماہ تک ان افراد کو زیادہ پانی اور فائبر پر مشتمل غذاؤں کا استعمال کرایا گیا اور دونوں مراحل میں باداموں کو بھی غذا کا حصہ بنایا گیا۔

تحقیق میں دریافت کیا گیا کہ محدود کیلوریز والی غذاؤں کے ساتھ باداموں کے استعمال سے جسمانی وزن میں 7 کلو گرام تک کمی آتی ہے۔

محققین کے مطابق عام افراد بھی صحت کے لیے مفید غذا میں باداموں کا اضافہ کرکے جسمانی وزن کو کنٹرول کر سکتے ہیں جبکہ دل اور اس سے جڑی شریانوں کی صحت کو بھی بہتر بنا سکتے ہیں۔

انہوں نے کہا کہ بادام پروٹین، فائبر، وٹامنز اور منرلز سے بھرپور گری ہے جبکہ اس میں موجود چکنائی بھی صحت کے لیے مفید ہوتی ہے جس سے بلڈ کولیسٹرول کی سطح بہتر اور ورم کم ہوتا ہے۔

ان کا کہنا تھا کہ اس تحقیق میں ہم نے دریافت کیا کہ باداموں کے ساتھ محدود کیلوریز والی غذا کے ذریعے چند ماہ میں جسمانی وزن میں 9.3 فیصد تک کمی لانا ممکن ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں