دنیا بھر میں ایسے افراد کی کمی نہیں ہے جن کا مزاج مختلف وجوہات کی بناپر اکثر خراب رہتا ہے اور وہ اسے بہتر کرنے کے حربے تلاش کر رہے ہوتے ہیں لیکن ایک عام ساپھل اس کا مؤثر علاج ثابت ہوسکتا ہے۔

ماہرین کا کہنا ہے کہ خوبصورت زرد رنگ لیے کیلا اپنے اندر ایسی خصوصیات رکھتا جو مزاج کو بہتر بنانے میں معاون ثابت ہوتا ہے۔

نوے فیصد امریکیوں کا کہنا ہے کہ وہ مہینے میں کم از کم ایک بار کیلا ضرور کھاتے ہیں، یہی وجہ ہے کہ یہ امریکا کا سب سے زیادہ مقبول پھل ہے۔ کیلے نہ صرف بطور پھل کھایا جاتا ہے بلکہ اسے مختلف طریقوں جیسے بنانا کیک، بنانا شیک اور اسموتھیز بنا کر استعمال کیا جاسکتا ہے۔

 موجودہ دور میں لوگوں کی بڑی تعداد تناؤ، اضطراب، ڈپریشن، دماغی دھند اور نیند کی کمی کے مسائل کا سامنا کر رہی ہے تاہم کیلے میں موجود غذائی اجزاء آپ کے موڈ کو بہتر بناسکتے ہیں۔

کیلے آپ کے موڈ کو کیسے فروغ دیتے ہیں؟

ڈاکٹر ٹالبوٹ کے مطابق کیلے میں وٹامن بی 6  آپ کے تجویز کردہ یومیہ مقدار کا 20 فیصد فراہم کرتا ہے۔ یہ وٹامن سائنسی طور پر ڈپریشن اور اضطراب کی علامات کو کم کرنے، خواتین میں ماہواری سے پہلے کے سنڈروم (PMS) کو زائل کرنے، تناؤ کے اثرات کو کم کرنے اور مجموعی طور پر موڈ کو بہتر بنانے میں مددگار ثابت ہوتا ہے۔

وٹامن بی 6 سیروٹونن کی پیداوار کو بڑھاتا ہے یہ دماغ کا ایک طاقتور نیورو ٹرانسمیٹر جسے “خوشی کا ہارمون” کہا جاتا ہے۔ ڈاکٹر ٹالبوٹ مزید کہتے ہیں کہ کیلے میں پری بائیوٹک فائبر اور پوٹاشیم بھی زیادہ ہوتا ہے، جو کہ اچھے موڈ سے منسلک دیگر غذائی اجزاء میں شامل ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں