آج ہم آپکو بتائیں گے کہ دودھ کیساتھ کونسی 5 چیزیں ہرگز نہیں کھانی چاہیے۔

 دودھ اور مچھلی

دودھ اور مچھلی دو متضاد غذائیں ہیں، دودھ کی تاثیر ٹھنڈی جبکہ مچھلی جسم کو گرمائش فراہم کرتی ہے۔

دونوں غذائیں ہمارے جسم پر بالکل مخالف اثرات مرتب کرتی ہیں۔

مچھلی کھانے کے بعد دودھ پینے سے ہاضمے کے مسائل پیدا ہو سکتے ہیں جو آپ کے جسم کے کیمیائی رد عمل کو تبدیل کر سکتے ہیں اور آپ کے مدافعتی نظام کو مزید کمزور کر سکتے ہیں۔

دودھ اور کیلے

کیلے اور دودھ کو ایک ساتھ کھانے سے ہمارے جسم کے میٹابولزم پر اثر پڑسکتا ہے۔

یہ جسم میں زہریلے مادوں کو خارج کر سکتا ہے اور عمل انہضام کو کم کر سکتا ہے۔

دودھ یا دہی کے ساتھ کیلے کا استعمال نہیں کرنا چاہیے، اسے کھانے سے نزلہ، کھانسی یا الرجی بھی ہو سکتی ہے۔

کھٹے پھلوں کے ساتھ دودھ

لیموں، اسٹرابیریز، آڑو، اناناس سمیت اس قسم کے پھلوں کے بعد دودھ پینے سے پرہیز کریں۔

دودھ کو عام طور پر ہضم ہونے میں زیادہ وقت لگتا ہے اور جب کھٹی یا تیزابیت والی اشیاء کے ساتھ ملایا جائے تو سینے میں جلن یا جسم میں گیس بننے کا باعث بن سکتا ہے۔

دودھ کے ساتھ ہائی شوگر والے سیریلز

ناشتے میں بہت لوگ سیریل کھانا پسند کرتے ہیں، جنہیں دودھ کے ساتھ لیا جاتا ہے۔

کوشش کریں وہ سیریلز کم کیلوریز اور کم چینی والے ہوں، ورنہ اس سے معدے کے مسائل میں اضافہ ہوسکتا ہے۔

دودھ کے ساتھ ادویات

رات کو سوتے وقت بہت لوگ اپنی دوائیاں دودھ کے ساتھ کھا لیتے ہیں، لیکن ایسا نہ کریں۔

دوائی پانی کے ساتھ کھائیں اور کچھ وقفے کے بعد دودھ پی لیں، ادویات کے ساتھ دودھ لینے سے دواؤں کا اثر کم ہوسکتا ہے یا یہ مضرِ صحت بھی ہوسکتی ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں