اس میں کوئی شک نہیں کہ ہم میں سے زیادہ تر افراد ناشتے میں انڈے کا استعمال کرتے ہیں، اور اس کا استعمال بھی کیوں نہ کیا جائے یہ فائدہ مند جو ہے۔

انڈے مین پروٹین، وٹامن ڈی، وٹامن اے اور وٹامن بی 12 سمیت دیگر وٹامنز اور خصوصیات پائی جاتی ہیں، جو انسانی صحت اور جسم کو خوبصورت اور مضبوط کرنے میں مددگار ثابت ہوتی ہیں۔

لیکن کیا آپ روزانہ صرف ایک انڈہ کھانے کے فوائد جانتے ہیں؟ اگر نہیں تو آئیے ہم آپکو بتاتے ہیں۔

پروٹین کا حصول

ایک انڈے میں 6 گرام پروٹین ہوتا ہے اور یہ غذائی جز بہت اہم ہوتا ہے کیونکہ ہمارا جسم اسے خود نہیں بناتا۔

پروٹین ہڈیوں، ناخن اور بالوں کی صحت کے لیے اہم ہوتا ہے جبکہ میٹابولزم کو تیز کرتا ہے جس سے جسمانی وزن میں کمی لانے میں مدد ملتی ہے۔

صحت کے لیے مفید کولیسٹرول کا حصول

صحت کے لیے مفید کولیسٹرول کو ایچ ڈی ایل کہا جاتا ہے جبکہ نقصان دہ کولیسٹرول کو ایل ڈی ایل۔

انڈے کھانے سے جسم میں کولیسٹرول کی دونوں اقسام میں اضافہ ہوتا ہے مگر ایچ ڈی ایل قسم دوسرے کو نقصان نہیں پہنچانے دیتی۔

خون میں چکنائی کم کرے

خون میں چکنائی کی سطح میں کمی صحت کے لیے مفید ہوتی ہے اور شریانوں کے امراض کا خطرہ کم ہوتا ہے۔

انڈوں میں موجود مخصوص فیٹی ایسڈز سے خون میں چکنائی کی سطح میں کمی لانے میں مدد ملتی ہے۔

فالج کا خطرہ کم کرے

روزانہ ایک انڈہ کھانے سے فالج کا خطرہ کم ہوتا ہے۔

ایک تحقیق میں دریافت کیا گیا کہ روزانہ ایک انڈہ کھانے والے افراد میں فالج کا خطرہ دیگر کے مقابلے میں 30 فیصد تک کم ہو جاتا ہے۔

دل کے لیے مفید

انڈے کھانے سے امراض قلب سے متاثر ہونے کا خطرہ کم ہوتا ہے۔

روزانہ ایک انڈہ کھانے والے افراد میں اس غذا سے دور رہنے والوں کے مقابلے میں امراض قلب سے متاثر ہونے کا خطرہ لگ بھگ 20 فیصد کم ہوتا ہے۔

بینائی کو فائدہ پہنچائے

انڈوں میں موجود اینٹی آکسائیڈنٹس سے بینائی کے امراض جیسے موتیا اور عمر کے ساتھ آنے والی کمزوری سے بچنے میں مدد ملتی ہے۔

دماغ تیز ہوتا ہے

انڈوں میں موجود وٹامن ڈی دماغ کے لیے مفید ہوتا ہے۔

اس میں موجود اجزا جیسے کولین سے اعصابی خلیات کے درمیان تعلق بہتر ہوتا ہے جبکہ دماغی نشوونما تیز ہو جاتی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں