انار کو چھیلنا مشکل ضرور ہے لیکن اس کے فوائد بےشمار ہیں اور یہ صحت کیلئے انتہائی فائدہ مند ہے۔

دوسرے پھلوں کے برعکس انار میں وٹامنز، منرلز، اور نباتاتی مرکبات زیادہ مقدار میں پائے جاتے ہیں۔ انار کو اس کے ذائقے اور رنگ کی وجہ سے بہت سے پھلوں کی نسبت زیادہ پسند کیا جاتا ہے

آج ہم آپ کو اس کے چند حیران کن فوائد کے بارے میں بتائیں گے۔

گردوں کی صحت میں ممکنہ بہتری

ایک تحقیق میں بتایا گیا کہ انار کھانے سے گردوں میں پتھری کی روک تھام ہوتی ہے جس کی وجہ اس پھل میں موجود اینٹی آکسائیڈنٹس ہیں۔

ذیابیطس کو کنٹرول کرے

تحقیقی رپورٹس میں بتایا گیا کہ ذیابیطس ٹائپ 2 کے مریض اگر انار کے جوس کو پینا شروع کردیں تو انسولین کی مزاحمت میں کمی آسکتی ہے، جس سے ذیابیطس کی مختلف پیچیدگیوں کا خطرہ کم ہوتا ہے۔

دماغ کے لیے مفید

انار میں موجود مرکبات دماغ کے لیے فائدہ مند ہوتے ہیں کیونکہ وہ تکسیدی تناؤ اور ورم کی روک تھام کرتے ہیں۔ ان مرکبات سے دماغ کو الزائمر امراض سے بچنے میں مدد ملتی ہے۔

خون کی شریانوں کے لیے مفید

انار جسم میں نائٹرک آکسائیڈ کے اثر کو بڑھاتا ہے جس سے خون کی شریانیں کشادہ ہوتی ہیں اور جسمانی سرگرمیوں کے دوران خون کا بہاؤ بھی بہتر ہوتا ہے۔

کینسر کا خطرہ کم ہوتا ہے

انار میں اینٹی آکسائیڈنٹس کی مقدار کافی زیادہ ہوتی ہے جو خلیات کو تکسیدی تناؤ سے تحفظ فراہم کرتے ہیں۔

کچھ تحقیقی رپورٹس کے مطابق انار کھانے سے مثانے، بریسٹ، پھیپھڑوں اور آنتوں کے کینسر سے بچنے میں مدد مل سکتی ہے۔

ورم کی روک تھام

تحقیقی رپورٹس میں دریافت کیا گیا ہے کہ انار کے جوس کو پینے سے ورم کا باعث بننے والے عناصر کی روک تھام ہوتی ہے۔

دل کی صحت بہتر بنائے

تحقیقی رپورٹس سے ثابت ہوا ہے کہ انار کے جوس پینے سے بلڈ پریشر کی سطح کم ہوتی ہے جس سے امراض قلب کا خطرہ کم ہوتا ہے۔

ایسے شواہد بھی سامنے آئے ہیں جن سے عندیہ ملتا ہے کہ پولی فینولز سے بھرپور پھل جیسے انار کھانے سے امراض قلب کو کنٹرول کرنے میں مدد مل سکتی ہے۔

پوٹاشیم کا حصول بھی ممکن

انار کا جوس پوٹاشیم کے حصول کا اچھا ذریعہ ہے اور پوٹاشیم مسلز کے صحت مند افعال کے لیے اہم جز ہے۔ پوٹاشیم اعصابی افعال کے لیے بھی اہم ہے جبکہ دل کی دھڑکن کو بھی ٹھیک رکھتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں