آج ہم آپکو بتائیں گے کہ سیڑھیاں چڑھنے والے افراد میں کونسی جان لیوا بیماری کے امکانات کم ہوجاتے ہیں۔

ایک حالیہ تحقیق کے مطابق یومیہ 50 سیڑھیاں چڑھنے والے افراد میں جان لیوا ثابت ہونے والے امراض قلب کم ہونے کے امکانات نمایاں کم ہوجاتے ہیں۔

یہ تحقیق ماہرین نے ساڑھے 4 لاکھ سے زائد افراد پر کی اور ساڑھے 12 سال تک ان کی صحت اور ان میں پیدا ہونے والی بیماریوں کا مطالعہ کیا۔

ماہرین نے جب تحقیق شروع کی تب ان میں کوئی بیماری نہیں تھی اور تحقیق کے پانچ سال بعد ان کی صحت کا جائزہ لینے کے بعد ساڑھے 12 سال بعد دوبارہ ان کی رپورٹس کرنے کے بعد ان میں پیدا ہونے والی بیماریوں کے نتائج اخذ کیے۔

نتائج سے پتہ چلا کہ ساڑھے 12 سال بعد 70 ہزار کے قریب افراد میں دل کی مختلف بیماریوں کی تشخیص ہوئیں جب کہ 10 ہزار سے زائد افراد میں فالج کی تشخیص بھی ہوئی۔

ماہرین نے تمام رضاکاروں کے ٹیسٹ کرنے کے بعد ان کے طرز زندگی اور معمولات کا بھی جائزہ لیا اور نتیجہ اخذ کیا کہ جو افراد یومیہ 50 سیڑھیاں چڑھتے رہے، ان میں امراض قلب، شریانوں میں خون جمنے اور فالج ہونے کے امکانات کم ہوگئے۔

ماہرین کا کہنا ہے کہ یومیہ 50 سیڑھیاں چڑھنے والے افراد میں امراض قلب، خون جمنے اور فالج کی بیماریاں ہونے کے امکانات 20 فیصد تک کم ہوجاتے ہیں۔

نتائج سے معلوم ہوا کہ جو یومیہ سیڑھیوں کی پانچ منزلیں چڑھتے ہیں ان کے مقابلے میں ان افراد میں امراض قلب ہونے کے امکانات زیادہ ہوتے ہیں جو سیڑھیاں چڑھنے سے گریز کرتے ہیں۔

ماہرین نے بتایا کہ سیڑھیاں چڑھنا ہموار زمین میں چلنے کے مقابلے زیادہ مشکل ہوتا ہے اور سیڑھیاں چڑھتے وقت جسم کو حرکت میں لانا پڑتا ہے جو کہ مجموعی طور پر انسان میں خون کی گردش کو بہتر بنانے میں مددگار ہوتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں