طرز زندگی کی بہت سی عادات جیسے تمباکو نوشی، غلط خوراک، نیند کی کمی اور اسکرین کا زیادہ استعمال آنکھوں کی صحت کو خراب کر سکتا ہے، خاص طور پر جب آپ کی عمر 30 سال سے زیادہ ہو جاتی ہے۔

مستقبل میں بصارت کی خرابی سے دور رہنے کے لیے بہت ضروری ہے کہ آنکھوں کی درست انداز میں دیکھ بھال کی جائے۔

اس حوالے سے ماہرین کا کہنا ہے کہ آنکھوں کی بہترین صحت کو یقینی بنانے کے لیے آنکھوں کا باقاعدہ معائنہ  اہم اقدامات میں سے ایک ہے۔

ماہرین کے مطابق ہر انسان کو 2 سال میں کم سے کم ایک مرتبہ ماہر امراض چشم سے اپنی آنکھوں کا مکمل معائنہ کروانا چاہیئے جس کی وجہ سے گلوکوما، موتیا بند اور میکولر بیماریوں کی ابتدائی علامات کا پتہ لگانے میں مدد مل سکتی ہے۔

اس کے علاوہ آنکھوں کی بہترین صحت کے لیے، اینٹی آکسیڈینٹس اور وٹامنز سے بھرپور صحت مند غذا کا استعمال بھی بہت ضروری ہے۔

ایک متوازن غذا جس میں وٹامنز اور اینٹی آکسیڈنٹس وافر مقدار میں موجود ہوتے ہیں وہ بڑھتی عمر کے ساتھ ساتھ آنکھوں کی بیماریوں کے خلاف جسم کے قدرتی دفاع کو بھی بڑھا سکتے ہیں۔

ضروری غذائی اجزاء صحت مند آنکھوں کو فروغ دیتے ہیں اور عمر کی وجہ سے آنکھوں کے پیدا ہونے والے مسائل کو کم کرتے ہیں اور  آنکھوں کی ظاہری شکل کو بھی بہتر بناتے ہیں۔

بہت سے لوگ باہر زیادہ وقت گزارتے ہیں اور سورج کی روشنی میں الٹرا وائلٹ (UV) شعاعیں ہوتی ہیں جو آنکھوں کو نقصان پہنچا سکتی ہیں جس کے لئے ضروری ہے کہ دن کے وقت باہر نکلتے ہوئے چشموں کا استعمال کیا جائے۔

باقاعدگی سے ورزش کرنے سے پورے جسم میں خون کا بہاؤ بہتر ہوتا ہے، آنکھوں کو آکسیجن کی سپلائی بڑھتی ہے اور آنکھوں کی کئی بیماریوں کا خطرہ کم ہوجاتا ہے۔

بہت سے لوگ ایسے پیشے سے بھی منسلک ہیں جس میں طویل دورانیئے کے لئے اسکرین کا استعمال لازمی ہوتا ہے جس دوران آنکھیں خشک ہوجاتی ہیں۔

ایسی صورتحال سے بچنے کے لئے لازمی ہے کہ وہ اپنا چہرہ بار بار دھوئے اور پانی کا استعمال زیادہ کرے ۔

کچھ ماہرین 20-20-20 کے اصول پر عمل کرنے کا مشورہ بھی دیتے ہیں جس میں ہر 20 سیکنڈ میں اپنی آنکھیں جھپکانا اور ہر 20 منٹ بعد ایک وقفہ لینا اور اپنی اسکرین کو 20 انچ کے فاصلے پر رکھنا شامل ہے۔

تمباکو نوشی آنکھوں کے لیے بھی نقصان دہ ہوتا ہے اور آنکھوں کے مختلف مسائل کے خطرے کو بڑھاتی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں