آج ہم آپ کو جامن کے فائدوں کے بارے میں بتائیں گے تاکہ اگلی بار آپ ان فوائد کوذہن میں رکھ کر انہیں کھائیں۔

شوگر کے مریضوں کیلئے ’جامن‘ فائدے مند؟

جامن ایسا نایاب پھل ہے جو شوگر کے مرض میں بھی فائدہ مند ہے۔

جامن شوگر کی علامات جیسے پیاس کی شدت اور بار بار پیشاب کی حاجت کو کم کرتا ہے۔

چونکہ جامن میں Glycemic Index یعنی خون میں شکر بنانے والے عنصر کی شرح انتہائی کم ہے اس لیے جامن بلڈ شوگر نہیں بڑھاتا۔

جامن کے پتے اور چھال شوگر کی دوائیاں بنانے میں استعمال ہوتے ہیں۔

شوگر کے مریض ڈاکٹر کے مشورے سےجامن کا رس ہلکی کالی مرچ ڈال کر بھی پی سکتے ہیں۔

جامن بلڈ پریشر کے مریضوں کے لئے اچھا ہے؟

جامن اور کولیسٹرول اور بلڈ پریشر کی سطح کو کم کرنے میں مدد کرسکتے ہیں جو دل کی بیماریوں کے لیے ایک اہم خطرہ ہیں، ہائی بلڈ پریشر والے مریضوں کے لیے یہ پھل بہت مفید ہے۔

دانتوں اور مسوڑوں کی حفاظت

جامن میں موجود اینٹی بیکٹیریل خواص دانتوں اور مسوڑوں کے انفیکشن کو کم کرنے میں مددگار ثابت ہوتے ہیں۔

جامن کے پتوں کو سکھا کر پیس کے ان کا پاؤڈر بھی بنایا جاتا ہے جو ٹوتھ پاؤڈر کی طرح استعمال کرنے سے منہ کی بدبو اور مسوڑوں سے خون آنے کی شکایت کو کم کرتا ہے۔

گلا خراب اور کھانسی

جن لوگوں کا گلا اکثر خراب رہتا ہے وہ بھی اس پھل سے فائدہ اٹھا سکتے ہیں۔

جامن کی گٹھلی کے پاؤڈر کو چھوٹی چھوٹی گولی بنا کر رکھ لیں اور شہد لگا کر چوسیں۔ مستقل یہ عمل کرنے سے گلے کی تکلیف میں واضح بہتری آئے گی۔