عمر بڑھنے کے ساتھ دماغ کو جوان رکھنا چاہتے ہیں؟ تو یہ غذا بہترین ثابت ہوسکتی ہے

ویب ڈیسک

01st Dec, 2023. 02:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمر بڑھنے کے ساتھ دماغ کو جوان رکھنا چاہتے ہیں؟ تو یہ غذا بہترین ثابت ہوسکتی ہے

آج ہم آپکو بتائیں گے کہ عمر بڑھنے کے ساتھ دماغ کو جوان رکھنے کے لئے کن غذاؤں کا استعمال کرنا چاہیے۔

ایک حالیہ تحقیق کے مطابق عمر بڑھنے کے ساتھ دماغ کو جوان رکھنا چاہتے ہیں تو بحیرہ روم کے خطے میں استعمال کی جانے والی غذا کا استعمال عادت بنالیں۔

جی ہاں، تحقیق میں بتایا گیا کہ Mediterranean ڈائٹ کے استعمال سے دماغی تنزلی کے امراض جیسے الزائمر سے بچنے میں مدد مل سکتی ہے۔

یہ غذا پھلوں، سبزیوں، اجناس، گریوں، مچھلی، زیتون کے تیل وغیرہ پر مشتمل ہوتی ہے جبکہ اس میں سرخ گوشت کا استعمال بہت کم کیا جاتا ہے۔

اس تحقیق میں 840 افراد کو شامل کیا گیا تھا اور ان کی غذائی عادات کی جانچ پڑتال کی گئی، نتائج سے معلوم ہوا کہ پھلوں، سبزیوں، گریوں اور زیتون کے تیل پر غذا کے زیادہ استعمال سے دماغ کو جوان رکھنے میں مدد ملتی ہے۔

محققین کے مطابق تحقیق کے آغاز میں ان افراد کے خون کے نمونوں میں مختلف مالیکیولز کی جانچ پڑتال کی گئی تھی۔

ان کا کہنا تھا کہ 12 سال کے دوران 5 بار ان افراد کے ٹیسٹ کیے گئے اور آخر میں دریافت ہوا کہ Mediterranean diet کے استعمال سے عمر بڑھنے کے ساتھ دماغی تنزلی کے امراض سے متاثر ہونے کا خطرہ کم کیا جا سکتا ہے۔

انہوں نے کہا کہ جو افراد اس غذا کا زیادہ استعمال کرتے ہیں، ان میں عمر بڑھنے کے ساتھ دماغی تنزلی کی رفتار سست ہو جاتی ہے۔