میگنیشیم اگرچہ ایک مائیکرونیوٹرینٹ کہلاتا ہے تاہم اس سے افادیت کی فہرست کافی طویل ہے اس کے باوجود لوگ نہ تو اسی کی اہمیت سے آگاہ ہیں اور اس کا خیال رکھتے ہیں۔

ماہرین کے مطابق مرد حضرات ہوں یا خواتین دونوں کے لیے میگنیشیم کی ایک خاص مقدار بہت ضروری ہے کیونکہ یہ نہ صرف آپ کو تندرست رکھتی بلکہ بہت سارے امراض تحفظ بھی فراہم کرتی ہے۔ تاہم ماہرین نے اس ضمن میں مزید تحقیقات کی ہے جس کے بعد میگنیشیم کی نئی افادیت سامنے آئی ہے۔

لگ بھگ کوئی ایک سال قبل ایک ٹک ٹاکر نے اپنی ٹک ٹاک ویڈیو میں کہا تھا کہ اسے 30 برس سے ڈپریشن اور اینزائٹی کا عارضہ تھا تو اب وہ میگنیشیم کو مختلف وٹامنز کے ساتھ ملا کر کھا رہا ہے اور وہ اب ڈپریشن اور اینزائٹی یعنی اندرونی بے چینی سے مکمل طور پر آزاد ہوچکا ہے۔

 اس ویڈیو کو تقریباً نوے کروڑ سے ایک ارب تک لوگوں نے دیکھا جس کے بعد لوگوں میں ایک امید پیدا ہوئی کہ ان کی دیرینہ اینزائٹی اور ڈپریشن میگنیشیم کے ذریعے دور کی جاسکتی ہے۔

اس سے قبل بھی ماہرین مختلف قسم کے وٹامن اور میگنیشیم کے ملاپ سے مریضوں کا علاج کرتے رہیں ہیں جن میں شیزوفرینیا، ڈپریشن اور اینزائٹی کے مریض ہیں لیکن ان میں انہیں  کوئی خاطر خواہ کامیابی حاصل نہیں ہوئی تاہم ٹک ٹاکر کا اپنی پوسٹ کی جانے والی ویڈیو میں اعتراف کرنے کے بعد نئی بحث چھڑ گئی ہے کہ آیا میگنیشیم میں ایسے خواص ہیں یا نہیں جو اس عارضے سے نجات دلا سکتے ہیں، واضھ رہے کہ ٹک ٹاکر نے میگنیشیم کو وٹامن ڈی تھری کے ساتھ ملا کر استعمال کیا تھا۔

بعض ماہرین کا کہنا ہے کہ وٹامن ڈی اور میگنیشیم کو ایک حد تک استعمال کیا جائے تو اس سے اینزائٹی کے اثرات کوکم کرنے میں کچھ مدد ضرور مل سکتی ہے۔

امریکا میں یونیورسٹی آف لیڈ سے  وابستہ پروفیسر لوئس ڈائی میگنیشیم کے بہت بڑے حامی ہیں ان کا کہنا ہے کہ میگنیشیم اینزائٹی، ڈپریشن، دیگر دماغی عارضے اور نفسیاتی عارضوں کو کم کرنے میں اپنا انتہائی اہم کردار کرسکتی ہے اور اس ضمن میں انہوں نے کچھ لوگوں پر اس کی آزمائش بھی کی ہے۔

ڈاکٹر لوئس اور ان کے محقق ساتھیوں نے 2018 سے 2019 کے اندر ایک تحقیق کی تھی اور بتایا تھا کہ پچاس فیصد مریضوں کو جب تین سو سے چار سو ملی گرام میگنیشم روزانہ دیا گیا تو کچھ عرصے بعد انہوں نے اپنے ڈپریشن میں، اپنی ذہنی اضطراب، یاسیت کے علاوہ ڈپریشن میں کمی کا اعتراف کیا تھا۔

لیکن سوال یہ ہے کہ میگنیشیم آخر کام کس طرح کرتا ہے اس سوال کا جواب ابھی تلاش کرنا باقی ہے تاہم ماہرین کا خیال ہے یہ کچھ انہیبیٹرزکے طور پر کام کرتے ہوئے پورے بدن بلخصوص دماغ کو پرسکون رکھنے میں اپنا انتہائی اہم کردار ادا کرتا ہے۔

پھرمیگنیشیم دماغ میں کچھ ایسے اینزائم یا خامروں کو بھی بڑھنے میں مدد دیتا ہے جو ہمیں مسرور رکھتے ہیں اور ہماری اندرونی پریشانی اور خلفشار کو کم کرتے ہیں۔ لیکن وجہ کوئی بھی میگنیشیم کی جتنی مقدار جیسے تین سے چار سو ملی گرام جو امریکا میں تجویز کی جاتی ہے آپ اسے  قدرتی اجزاء یا سپلیمنٹ کے ذریعے اپنے جسم میں برقرار رکھیں۔