حالیہ برسوں میں سبزی خوری کے فیشن میں بے تحاشا اضافہ ہوا ہے، جس کی بڑی وجوہات صحت کے بارے میں تشویش، جانوروں کی فلاح و بہبود اور ماحول کا تحفظ ہیں۔

سبزیاں فائبر، فولک ایسڈ، پوٹاشیم، معدنیات، وٹامنز اور دیگر کئی غذائی اجزاء سے بھرپور ہوتی ہیں۔

سبزیوں میں کاربوہائیڈریٹس کی مقدار بھی کم ہوتی ہے، اس وجہ سے یہ وزن کم کرنے میں بھی مفید ثابت ہوتی ہیں۔

مولی سرد موسم کی ایک سوغات ہے، جسے اکثر گھروں میں اس موسم میں شوق سے کھایا جاتاہے لیکن کیا آپ جانتے ہیں کہ مولی کے پتے بھی صحت کے لئے اہم ہیں۔

مولی کھا کر اس کے پتے پھینکنے کے بجائے ان کے فوائد جان کر استعمال  کریں جوکہ وٹامن کے، وٹامن سی، آئرن، میگنیشیم، فولیٹ اور کیلشیم سے بھر پور ہیں۔

مولی کے پتے کھانے کے فائدے:

مولی کے پتوں میں فائبر کی بھاری مقدار ہوتی ہے، جنھیں کھانے سے قبض اور بدہضمی کی شکایت نہیں ہوتی، یہ آپ کا نظام انہضام پہلے سے کہیں زیادہ بہتر بناتے ہیں۔

مولی کے پتوں میں آئرن اور وٹامنز کی وافر مقدار ہوتی ہے، جو آپ کو انفیکشن سے بچائیں اور اس موسم میں صحت مند رکھیں۔

سوڈیم سے بھری یہ سبزیاں بلڈ پریشر کو مستحکم کرنے کے لیے آپ کا قدرتی علاج ہیں، یہ آپ کے دل کو خوش رکھنے والے پتے ہیں۔

ذیابیطس کے مریضوں کے لیے بھی یہ پتے کار آمد ہےجو خون میں شوگر کی سطح کو کنٹرول کرنے میں اہم کردار ادا کرتے ہیں۔

مولی کے پتے، آئرن سے بھرپور، ہیموگلوبن کی سطح کو بڑھانے میں آپ کے مددگار ہیں۔