دنیا میں شاید ہی کوئی ایسا شادی شدہ جوڑا ہے جسے اولاد کی خواہش نہ ہو، تاہم کچھ عام عادات یا غلطیاں ایسی ہیں جو اس میں رکاوٹ کا سب بن سکتی ہیں ان ہی میں وہ عام سواریاں بھی شامل ہیں جن میں آپ ہر روز سفر کرتے ہیں۔

ڈاکٹروں نے خبردار کیا ہے کہ اگر آپ صحت مند تولیدی نظام چاہتے ہیں تو گاڑیوں کی گرم سیٹ پر بیٹھنے سے گریز کریں کیونکہ یہ سواریاں اسپرم کی تعداد کو کم اور ان کی صحت کو خراب کرسکتی ہے۔ اس طرح اسپرم کی پیداوار پر منفی اثر پڑ سکتا ہے۔

دنیا بھر میں گاڑیوں کی سیٹیں مختلف وجوہات کی بنا پر گرم ہوجاتی ہیں اور اب یہ روزمرہ کا معمول بن چکا ہے مرد حضرات ان ڈرائیونگ سیٹوں پر گھنٹوں بیٹھے رہتے ہیں جبکہ سرد موسم میں گرم نشستیں کسی نعمت سے کم نہیں ہوتی جب درجہ حرارت نقطہ انجماد سے کم ہو۔

 تاہم صحت مند اور بہتر تعداد میں اسپرم کی پیداوار کے لیے تولیدی نظام کا درجہ حرارت جسم کے باقی حصوں کے مقابلے میں کئی ڈگری ٹھنڈا ہونا ضروری ہے۔

یونیورسٹی آف مانچسٹر کے پروفیسر ایلن پیسی کا اس حوالے سے کہنا ہے کہ تنگ لباس پہن کر گرم سیٹ پر بیٹھنا اسپرم کی پیداوار کو کم کر سکتا ہے۔ساتھ ہی انہوں نے مرد حضرات کو موسم سرما میں گرم کمبل سے دور رہنے کا بھی مشورہ دیا ہے خاص کر برقی کمبل سے۔

ڈاکٹر نے مزید یہ بھی کہا کہ اگر آپ والد بننا چاہتے ہیں تو وہ اپنی کار کی گرم سیٹوں اور برقی کمبل سے دور رہیں۔ تاہم انہوں نے یہ بھی کہا کہ کبھی کبھار، مختصر مدت کے لیے گرم سیٹ کے استعمال سے کوئی مسئلہ نہیں ہے۔

تاہم، صرف یہ گرمی یا گرم سیٹیں ہی نہیں ہے جو نطفہ کی پیداوار کو متاثر کرتی ہے، گزشتہ سال ہارورڈ کی ایک تحقیق سے یہ بات سامنے آئی کہ مختلف پیشے بھی اثر انداز ہو سکتے ہیں۔

تحقیق کے مطابق جسمانی طور پر کام کرنے والے بلیو کالر ورکرز کے اسپرم کی تعداد ان کے وائٹ کالر آفس سے منسلک ہم منصبوں کے مقابلے میں تقریباً 50 فیصد زیادہ ہوتی ہے۔ اس کی وجہ ورزش ہے جو انسانوں میں متعدد صحت کے فوائد پیش کرتی جن میں تولیدی صحت بھی شامل ہے۔