خواتین خود کوجواں رکھنے کے لیے کئی طرح کے جتن کرتی ہیں اس سلسلے میں وہ سب سے زیادہ خیال اپنے چہرے کا رکھتی ہیں، تاکہ جلد کو جھریوں سے پاک رکھ اس کی دلکشی کو بڑھایا جاسکے۔

خواتین کی کثیر تعداد اس مسئلے کے حل کے لیے مختلف مصنوعات استعمال کرتی ہیں تاہم اس سے نجات کے لیے کچھ گھریلو طریقے بھی نہایت کار آمد ثابت ہوتے ہیں ان ہی میں چاول کے پانی سے تیار ٹونر ہے جو جلد پر کسی بوٹوکس کی طرح کام کرتا ہے۔

یہ بات تو سبب ہی جانتے ہیں کہ چاول دنیا میں گندم کے بعد سب سے زیادہ استعمال کیا جانے والا اناج ہے، اس میں آپ کی صحت کو برقرار رکھنے والے تمام اجزاء پائے جاتے ہیں۔

 لیکن بات یہی ختم نہیں ہوتی بلکہ اس میں کچھ ایسے وٹامنزاورمنرلز بھی پائے جاتے ہیں جو جلد کی رنگت نکھارنے اور جواں بنانے میں اہم کردار ادا کرتے ہیں۔ چاول صرف سورج کی مضر شعاعوں سے تحفظ دیتے ہیں بلکہ جلد میں کولیجن کی سطح کوبڑھاتے ہیں یہ جلد پرعمر رسیدگی کے اثرات کی رفتار کو کم کر کے آپ کو تادیر جواں رکھنے میں اہم کردار ادا کرتا ہے۔

چاول کا پانی بھی جلد کی ترو تازگی میں حیرت انگیز اثرات مرتب کرتا ہے۔ یہاں چاول کے پانی سے ایک ٹونر بنانے کے طریقہ بتایا جارہا ہے جو جلد کوجھریوں سے نجات دے کر اس کی قدرتی چمک لوٹا دے گا۔

اس ٹونر کی تیاری کے لیے ایک کپ چاول کو صاف پانی سے دو بار دھولیں، پھرمیں دو کپ پانی شامل کرکے ایک ہفتے کے لیے رکھ دیں، تاکہ چاول میں موجود تمام اجزاء پانی میں اچھی طرح شامل ہوجائیں اب اس پانی کو چھان لیں اور ایک اسپرے بوتل میں بھر کر چہرے پر اسپرے کریں، کچھ ہی دنوں میں جھریاں غائب ہوجائیں گی اور جلد چمکنے لگے گی۔