برطانوی تحقیق کے مطابق موسیقی کا کوئی بھی ساز بجانا بزرگ افراد میں بہتر دماغی صحت سے منسلک ہے، جس میں بہتر یادداشت اور مسئلہ حل کرنے کی صلاحیت شامل ہے۔

دس سال تک جاری رہنے والی پروٹیکٹ ڈیمنشیا نامی اس تحقیق میں 25000 بزرگ افراد کو شامل کیا گیا تھا جو ایکسیٹر یونیورسٹی اور کنگز کالج لندن نیشنل ہیلتھ سروس کے اشتراک سے کی گئی تھی۔ اس تحقیق کے دوران 1000 ایسے فراد جن کی عمر 40 برس سے زائد تھی اور جو موسیقی کا کوئی بھی ساز بچاتے تھے ان کی ذہنی صحت ساز نہ بجانے ولوں کی نسبت بہت بہتر تھی، ساز بجانا بہتر یاداشت، اعلیٰ ایگزیکٹو فنکشن اور پیچیدہ کاموں کو حل کرنے کی صلاحیت سے وابستہ تھا۔

محققین کا کہنا ہے کہ ایسے تمام افراد جو عمر رسیسگی کی جانب بڑھ رہے ہیں وہ اگر کوئی ساز بجانا یا گانا گانا جاری رکھتے ہیں تو اس سے یاداشت کے ساتھ اور بھی فوائد حاصل ہوتے ہیں۔

ڈیمنشیا کی اس تحقیق کے ایکسیٹر یونیورسٹی کی پروفیسر این کاربیٹ کا کہنا ہے کہ اگرچہ یہ پہلی تحقیق نہیں جو دماغی صحت پر موسیقی کے اثرات کو بیان کر رہی ہے، تاہم پروٹیکٹ ڈیمنشیا سے حاصل ہونا والا ڈیٹا کافی بڑا ہے جو علمی کارکردگی اور موسیقی کے درمیان تعلق کو پیش کر رہا ہے خاص بزرگ افراد میں۔

موسیقی کے دماغی صحت پڑنے والے مثبت اثرات جو اس تحقیق میں سامنے آئیں ہیں ڈیمنشیا میں مبتلا عمر ریسدہ افراد کو  موسیقی تربیت دے کر ذہنی صحت کو بہتر بنایا جاسکتا ہے ۔