دنیا بھر میں لوگوں کی بڑی تعداد میٹھا شوق سے کھاتی ہے اور انہیں دن میں کئی بار میٹھا کھانے کی طلب ہوتی ہے، ان میں ایسے تمام میٹھے جن میں چینی کے ساتھ چکنائی موجود ہو کھانے کی رغبت کو مزید بڑھاتے ہیں۔

فلاڈیلفیا میں مونیل کیمیکل سینس سنٹر کے محققین کا کہنا ہے کہ بیک وقت چکنائی اور شوگر کی خواہش کا تجربہ کرنا ڈائٹنگ کو بہت مشکل بنا دیتا ہے۔

یہ بات تو سب ہی جانتے ہیں کہ معدے کو دوسرا دماغ کہا جاتا ہے یہی وجہ ہے کہ اسٹریس یا پریشانی کے وقت نظام انہضام متاثر ہوتا ہے۔ معدہ  چکنائی اور چینی کو الگ الگ طرح سے ہضم کرتا ہے اور معدہ اسے  ہضم کرنے کے دوران کو دماغ کو ایک سگنل بھیجتا ہے جس سے اس طرح کے کھانے کی خواہش بڑھتی ہے اسی لیے لوگوں کو تلی ہوئی اور میٹھی غذائیں جیسے ڈونٹ کی طلب بار بار پیدا ہوتی ہے۔

اس تحقیق میں محققین نے پایا کہ جس طرح سے چربی اور شکر دماغ پر اثر انداز ہوتے ہیں، آنتوں کے الگ الگ راستوں کے ذریعے، لاشعوری خواہش کو زیادہ کھانے کی طرف لے جاتے ہے۔

چکنائی اور شکر کا امتزاج نمایاں طور پر زیادہ ڈوپامائن کے اخراج کا باعث بنتا ہے ڈوپامائن دماغ میں موجود ایک نیورو ٹرانسمیٹر ہے جس سے موڈ بہتر ہوتا ہے اور آپ اچھا محسوس کرتے ہیں، اسی لیے ڈوپامن کو خوشی کا ہارمون بھی کہا جاتا ہے اس طرح یہ اس طرح کے کھانے کی طلب کو بڑھاتا ہے۔

واضح رہے کہ اب تک یہ ایک معمہ بنا ہوا تھا کہ چکنائی اور چینی سے بنا ایک ڈونٹ کیوں ایک لت کی طرح لوگوں اپبی طرف مائل کرتا ہے۔

محققین کے مطابق کھانا فطری طور پر تقویت دینے والا ہے، لیکن چکنائی اور شکر خاص طور پر پرکشش کیوں ہیں یہ ایک معمہ بن گیا ہے ہم نے اب منہ میں ذائقہ کے خلیات کی بجائے آنتوں میں موجود اعصابی خلیات کی نشاندہی کی ہے جو ایک اہم محرک ہیں۔

اس تحقیق میں چوہوں کو ایسی غذا کھانے کو دی گئی جس میں چکنائی اور چینی موجود تھی تو اس کے بعد ان میں کھانے کی طلب بڑھ گئی۔ سائنسدانوں کے مطابق اس سے یہ وضاحت ہو سکتی ہے کہ انسان لاشعوری طور پر زیادہ چینی اور زیادہ چکنائی والی غذائیں کیوں تلاش کرتے ہیں۔ محققین کو امید ہے کہ ان  کے نتائج سے مستقبل میں موٹاپے کا علاج آسان ہو جائے گا ۔