جوڑوں کے درد سے نجات کے لیے دار چینی کا استعمال ان 5 طریقوں سے کریں ، جس میں اس کی چائے سب سے اہم ہے۔

دار چینی کا پاؤڈر بہت فائدہ مند چیز ہے اس سستی سی چیز کے بےشمار فائدے ہیں جو ہمیں ہزاروں کی دوائی کھا کر بھی نہیں مل سکتے۔

 دار چینی کی چائے

دار چینی کی چائے بنانے کے لیے دار چینی کو پانی میں ابالیں، ایک سے دو ابلنے کے بعد لیموں کا رس اور شہد ملا دیں۔

آپ دن میں 1 سے 2 بار دار چینی کی چائے پی سکتے ہیں۔

یہ نظامِ ہضم میں بھی کام آتی ہے ، اس کے ساتھ ساتھ ہڈیوں اور جسم کے دیگر درد کو دور کرتی ہے۔

اس کے علاوہ دارچینی میں موجود اینٹی آکسیڈنٹس جوڑوں کا درد دور کرکے ہڈیوں کو مضبوط بناتے ہیں۔

 دار چینی کا پاؤڈر

دار چینی کا پاؤڈر  کھانے سے جوڑوں کا درد ختم ہو جاتا ہے، اس میں کالی مرچ پاؤڈر اور چینی ملا کر نیم گرم پانی کے ساتھ پی لیں۔

 دار چینی کا پانی

دار چینی کا پانی ہاضمے اور جسم کے دیگر اعضاء کو صحت مند رکھنے کے لیے فائدہ مند ہے۔

دار چینی کو گرم پانی میں ابالیں اور اس پانی کو پی لیں، دارچینی کا پانی صبح و شام ایک ہفتہ تک پینا فائدہ مند رہے گا۔

دار چینی کا تیل

دار چینی کے تیل کی مالش جوڑوں کے درد میں آرام پہنچاتی ہے ، ناریل کا تیل گرم کریں اور اس میں دار چینی کا پاؤڈر ڈالیں۔

تیل کو گرم ہونے دیں، جب تیل کا رنگ بدل جائے تو تیل کو چھان لیں ،اس تیل کو کسی ایئر ٹائٹ کنٹینر میں رکھیں۔

 دار چینی کا پیسٹ

جوڑوں کے درد سے نجات کے لیے دار چینی کا پیسٹ جوڑوں پر لگایا جا سکتا ہے۔

دار چینی کے پاؤڈر کو یوکلپٹس کے تیل میں ملا دیں۔

اس پیسٹ سے مالش کریں اور روزانہ ایک ماہ تک جوڑوں پر لگائیں، اس کے مستقل استعمال سے یہ تکلیف ختم ہوجائے گی۔