ہمارے معاشرے میں یہ عام رجحان موجود ہے کہ پلاسٹک کی تھیلیوں اور خاص کر زپ لاک بیگز کو ایک بار استعمال کے بعد دھوکر دوبارہ کئی بار استعمال کیا جاتا ہے۔

جبکہ کچھ لوگ اکثر ماحول کو آلودگی سے بچانے کے لیے بھی ان تھیلیوں کو بار بار استعمال کرتے ہیں وجہ کوئی بھی ہو کیا ان تھیلیوں کو دوبارہ استعمال کرنا درست ہے اور ماہرین اس بارے میں کیا کہتے ہیں۔

 عام پولی تھین بیگز کے برعکس زیپ لاگ بیگز زیادہ معیاری ہوتے ہیں یہی وجہ ہے کہ یہ دوبارہ کئی بار استعمال ہونے کے لیے بلکل محفوظ ہیں۔

زپ لاک بیگز بنانے والی مشہور کمپنی کا کہنا ہے کہ  تھیلوں کو دوبارہ استعمال کرنے سے پہلے انہیں صابن سے ہاتھ سے دھو کر اور ہوا میں خشک کریں۔

تاہم کچھ معاملات ایسے ہیں جن میں ان کو دوبارہ استعمال نہیں کیا جاسکتا، ماہرین کے مطابق ان بیگز میں کچا گوشت، مچھلی، انڈے، ممکنہ طور پر الرجی پیدا کرنے والے کھانے، باسی یا خراب کھانے موجود ہوں تو ایسی صورت میں انہیں دوبارہ استعمال کرنے سے گریز کریں کیونکہ جب ان بیگز کو دوبارہ  دھوکر بھی استعمال کیاجائے تو اس میں محفوظ کیے جانے والے کھانے یا غذا  خراب ہوسکتی ہے۔

اسی طرح زپ بیگز میں موجود چٹنی یا کیچپ جو تھیلی کی دیواروں سے چپکی ہوئی ہو  اسے صاف کرنا اور دوبارہ استعمال کرنا مشکل ہوگا اسی لیے اسے طرح کی تھیلیوں کو بھی ہرگز استعمال نہ کریں۔

زپ لوک بیگ کو کتنی بار دوبارہ استعمال کیا جا سکتا ہے اس کے بارے میں کوئی صحیح تعداد مقرر نہیں ہے، تاہم ان بیگز میں خشک کھانوں اور غذاؤں کو محفوظ کرنے سے  ان کی صفائی آسانی سے ہوسکتی ہے اور اس طرح انہیں دوبارہ کئی بار استعمال کیا جاسکتا ہے ۔