ناشتہ کے بعد اور دوپہر کے کھانے  سے پہلے بھوک جاگ جاتی ہے ایسے میں لوگ غیر صحت بخش غذا کھانا شروع کر دیتے ہیں تاہم ایک ماہر امراض قلب نے اس بے وقت کی بھوک کے لیے ایک ایسی غذا بطور اسنیکس بتائی ہے جسے وہ خود بھی کھاتی ہیں۔

اگر آپ اپنی صحت کو بہتر بنانے کے خواہ ہیں اور دل کی صحت کو ترجیح دیتے ہیں تو یقیناً دوپہر کے اسنیکس کے لیے کافی سوچ بچار سے کام لیتے ہوں گے تاہم آپ یہ جان کر حیران ہوں گے اس وقت کے لیے بہترن غذا پاپ کارن ہے جسے خود ماہر امراض قلب نے بتادیا جبکہ وہ خود بھی گزشتہ کئی برسوں سے یہی لے رہی ہیں۔

ڈاکٹر سندھیا کے بلرام جوکہ نیویارک پریسبیٹیرین بروکلین میتھوڈسٹ ہسپتال کے شعبہ کارڈیوتھوراسک سرجری کی چیف اور ویل کارنیل میڈیسن میں کلینکل سرجری کی ایک ایسوسی ایٹ پروفیسر ہیں کہتی ہیں کہ دو پہر کے وقت خاص طور پر ایک ناشتہ  جسے وہ بہت پسند کرتی ہیں اور  باقاعدگی سے کھاتی ہیں پاپ کارن ہے۔

یہ ہلکا پھلکا ناشتہ دل کی صحت کے لیے مفید ہے کیونکہ اس میں فائبر کی مقدار زیادہ اور کیلوریز کم ہوتی ہے۔

فائبر کو اکثر ایک غذائیت کے طور پر جانا جاتا ہے جو آنتوں کی صحت کے لیے اہم ہے تاہم  سائنسی شواہد سے پتہ چلتا ہے کہ فائبر دل کی صحت کے لیے بھی مفید ہے۔ فائبر سے بھرپور غذا دل کی بیماری کے کم خطرے سے منسلک ہے۔ فائبر ایل ڈی ایل کولیسٹرول کی سطح کو کم کرنے میں مدد کرسکتا ہے، جو امراض قلب کی ایک بڑی وجہ ہے۔

ایک کپ پاپ کارن میں صرف 31 کیلوریز ہوتی ہیں۔ کم کیلوریز والے ناشتے دل کی صحت کو فائدہ پہنچاتے ہیں کیونکہ ضرورت سے زیادہ کیلوریز کا استعمال موٹاپے کا سبب بن سکتا ہے، جو دل کی بیماری کا خطرہ بڑھا سکتا ہے۔

تاہم تمام پاپ کارن صحت مند نہیں ہوتے، خاص طور پر مائیکرو ویو پاپ کارن میں سوڈیم اور سیچوریٹڈ چکنائی زیادہ ہوتی ہے، جو زیادہ استعمال ہونے سے دل کی صحت کے لیے نقصان دہ ہوتی ہے۔