فی زمانہ اروماتھراپی کو دنیا بھر میں بے حد پزیرائی حاصل ہورہی ہے مختلف امراض خاص کر ڈپریشن کے لیے اسینشیل آئل کافی مؤثر ثابت ہوئے ہیں تاہم حال میں کی جانے والی ایک تحقیق کے مطابق گھروں میں استعمال ہونے والی عام شے کی مہک افسردگی کو دور کرنے میں کسی جادو سے کم نہیں ہے۔  

یونیورسٹی آف پٹسبرگ کے محققین کا کہنا ہے کہ لفظوں کے مقابلے میں خوشبو ڈپریشن میں مبتلا افراد میں مثبت خیالات اور یادوں کی بازیافت میں زیادہ مؤثر ثابت ہوتی ہیں۔ اس طرح یہ افراد منفی سوچوں سے آسانی نجات حاصل کر سکتے ہیں۔

اس مقصد کے لیے محققین نے 18 سے 55 سال کی عمر کے 32 افراد کو جن میں میجر ڈپریشن کے عارضہ تشخیص ہوا تھا جار میں موجود 12 خوشبوئیں سو نگھنے کی دی گئی۔

ان خوشبوؤں میں وِکس واپو رب، پسی ہوئی کافی، ناریل کا تیل، زیرہ پاؤڈر، ریڈ وائن، ونیلا ایکسٹریکٹ، لونگ ، جوتوں کی پالش، اورنج اسینشیل آئل اور کیچپ شامل تھے۔

جار میں موجود خوشبو کو سونگھنے کے بعد، نیورو سائنسدانوں نے شرکاء سے کہا کہ وہ ایک مخصوص یاد کو ذہن میں لائیں خواہ وہ اچھی ہو یا بری۔

اس تحقیق کے مرکزی مصنف کیمبرلی ینگ کا کہنا ہے کہ افسردہ لوگ جنہوں نے مانوس خوشبو سونگھی تھی ان میں کسی خاص یادداشت یا واقعہ کو یاد کرنے کا امکان زیادہ ہوتا ہے۔ بہ نسبت الفاظ کے، جب الفاظ کا موازنہ خوشبو سے کیا جائے تو خوشبو ایسی یادوں کو ذہن میں لے آتی ہیں جو زیادہ واضح محسوس ہوتی ہیں۔

یونیورسٹی آف پٹسبرگ اسکول آف میڈیسن میں اس تحقیق کے سینئر مصنف اور سائیکاٹری کے ایسوسی ایٹ پروفیسر کیمبرلی ینگ کے مطابق  یہ میرے لیے حیران کن تھا کہ اس سے پہلے کسی نے افسردہ افراد کی یادداشت کو بازیافت کرنے کے بارے میں نہیں سوچا تھا۔

ینگ نے وضاحت کی کہ امیگڈالا نامی دماغ کا یہ حصہ یادداشت کی بازیافت میں مدد کرتا ہے کیونکہ امیگڈالا بعض واقعات کی طرف توجہ دیتا ہے۔ خوشبو ممکنہ طور پر ولفیٹری بلب میں عصبی رابطوں کے ذریعے امیگڈالا کو متحرک کرتی ہے، جو کہ سونگھنے کے احساس سے منسلک اعصابی بافتوں کا ایک مجموعہ ہے۔

انہوں نے مزید کہا کہ افسردہ لوگ مخصوص سوانحی یادوں کو بازیافت کرنے میں دشواری کی اطلاع دیتے ہیں۔ چونکہ ینگ جانتی تھی کہ خوشبو غیر افسردہ لوگوں میں خوشگوار یادوں کو متحرک کرسکتی ہے، اس لیے انہوں نے افسردہ لوگوں میں خوشبو اور یادداشت کی بازیافت کا مطالعہ کرنے کا فیصلہ کیا۔

ینگ نے کہا کہ ڈپریشن میں مبتلا افراد میں یادداشت کو بہتر بنانے سے انہیں تیزی سے ٹھیک ہونے میں مدد مل سکتی ہے۔

اگر ہم یادداشت کو بہتر بناتے ہیں، تو ہم مسائل کو حل کرنے، جذبات کے ضابطے اور دیگر فعال مسائل کو بہتر بنا سکتے ہیں جن کا سامنا افسردہ افراد کو ہوتا ہے۔