اسکول جانے والے بچوں کے سروں میں جوؤں کا ہونا سب سے عام مسئلہ ہے ایک بار جب سر کو صاف کر لیتے ہیں لیکن کچھ ہی عرصے بعد یہ دوبارہ سرمیں نظر آنے لگتی ہیں تاہم ضروری نہیں کہ اس سے صرف بچے ہی متاثر ہوں بلکہ ہر عمر کے افراد اس مسئلے کا سامنا کر سکتے ہیں۔

نیویارک میں جوؤں کے علاج کے مرکز میں موجود  ایڈرین پچینی نے حال ہی میں ایک رپورٹ جاری کی ہے کہ جس کے مطابق گزشتہ برس بچوں کی بڑی تعداد نے اس مسئلے کے حل کے لیے اس مرکز سے رابطہ کیا تھا تاہم رواں برس پچھلے برس سے زیادہ برا ثابت ہوا ہے۔

لائس بسٹرز کے صدر ڈینیئل ہیرل کا کہنا ہے کہ حالیہ انفیکشن معمول سے زیادہ بچوں کی آبادی کو متاثر کر رہے ہیں۔ جوؤں کی بیماری کے کنٹرول اور روک تھام کے مراکز کے مطابق امریکہ میں ہر سال 3 سے 11 سال کی عمر کے 6 سے 12 ملین بچوں کے سروں میں جوئیں ہوتی ہیں۔

والدین عموماً اس کے علاج کے لیے مختلف طریقے اختیار کرتے ہیں جس میں بچوں کے سروں میں مختلف تیل لگا کر باریک کنگھی سے سر کو صاف کرنا، سر میں سرکہ یا مایونیز لگانا اور سونے سے قبل سر میں زیتوں کا تیل لگانا شامل ہے۔

 یہ تمام طریقے جوؤں کے خاتمے میں کتنے مددگار ثابت ہوتے ہیں اور ماہرین اس حوالے سے کونسے علاج کو بہتر قرار دیتے ہیں جانتے ہیں؟

زیتون کا تیل

ماہرین کا کہنا ہے کہ روغن زیتون ہمیشہ سے ہی جوؤں کا ایک مؤثر علاج ثابت ہوا تاہم اس حوالے سے ابھی تک کوئی سائنسی ثبوت موجود نہیں ہے لیکن اس سے جوؤں کا خاتمہ ضرور ہوتا ہے۔

ڈاکٹر لارین ایڈلر جو کہ نارتھ ویل ہیلتھ کے ماہر امراض اطفال ہیں کا کہنا ہے کہ زیتون کے تیل سے جوؤں کا خاتمہ ممکن ہے اس کی وجہ یہ ہے کہ جب آپ سر میں تیل لگاتے ہیں اور اسے ساری رات کے لیے سر میں لگا رہنے دیتے ہیں  اور سر پر شاور کیپ پہن لیتے ہیں تو یہ ختم ہوجاتی ہیں۔جبکہ زیتوں کے تیل سے بالوں میں موجود جوؤں کے انڈے بھی صاف ہوجاتے ہیں۔ بہتر نتائج کے لیے اس عمل کو ہر چار دن بعد ضرور دہرایا جائے۔

ایڈلر کا مزید بھی کہنا تھا کہ سفید سرکہ سر میں موجود اس چکنائی کو صاف کرنے میں مدد دیتا ہے جسے مادہ جوئیں انڈے دینے لیے استعمال کرتی ہے۔

ایک ماہر کا کہنا ہے کہ زیتون کے تیل کا استعمال جوؤں کے تین ہفتے کے لائف سائیکل کے مطابق ہونا چاہیے۔ یعنی پہلے دن تیل کا استعمال پھر دوسرے، تیسرے، نوے، پھر تیروے دن، ستروے اور اکیس وے دن استعمال کیا جانا ضروری ہے تاکہ سر جوؤں سے مکمل صاف ہوجائے۔

مایونیز

زیتون کے تیل کی طرح مایونیز بھی جوؤں کو مارنے کی بھرپور صلاحیت رکھتی ہے کیونکہ اس کی موٹی، جیلی نما تہہ جوؤں کا خاتمہ کر سکتی ہے۔

کوشش کریں اسے بھی رات بھر لگا رہنے دیں اگلی صبح اسے دھونے سے پہلے تک شاور کیپ پہنے رہیں،  ایک ہفتہ بعد اس عمل کو دوبارہ دہرائیں تاکہ جوؤں کا مکمل خاتمہ ہوسکے۔ جوؤں کو مارنے والے شیمپو بھی اس سلسلے میں کافی مدد گار ثابت ہوسکتے ہیں۔