جب بھی بات صحت بخش غذا کی ہوتی تو پاستا کو کسی حد تک غیر صحت بخش تصور کیا جاتا ہے تاہم حقیقت اس کے برعکس ہے۔ مناہر غذائیت شیلا کیڈوگن کا کہنا ہے کہ پاستا غیر صت بخش نہیں بلکہ اسے تیار کرنے کا طریقہ  اسے غیر صحت بخش بنا دیتا ہے۔

جب بھی بات وزن میں کمی کی جاتی ہے ہو تو کاربوہائیڈریٹ سے بھرپور غذا کھانے کو کہا جاتا ہے کیونکہ یہ دیر سے ہضم ہوتی ہے اور اس طرح آپ بے وقت کی بھوک سے بچے رہتے ہیں۔

دن بھر میں پاستا کی جتنی مقدار کھانے کی لیے تجویز کی گئی ہے وہ 2 اونس بغیر پکا ہوا ہے جو تیار ہوکر ایک کپ کے برابر ہوتا ہے۔ ایک عام سرونگ میں تقریباً 200 کیلوریز، 40 گرام کاربوہائیڈریٹ، 6 گرام پروٹین، اور 1 سے 2 گرام فائبر ہوتا ہے۔

پاستا چونکہ بنیادی طور پر کاربوہائیڈریٹ پر مشتمل ہوتا ہے، اس لیے لوگ اسے صرف  کیلوریز کے طور پر دیکھتے ہیں، لیکن یہ کاربس انسانی جسم کو ضروری توانائی فراہم کرتے ہیں اس لیے یہ درحقیقت غذائیت سے بھرپور ہوتے ہیں۔ جبکہ ہول گرین پاستا خاص طور پر زیادہ فائبر اور پروٹین پر مشتمل ہوتے ہیں، یہ دونوں غذائی اجزاء آپ کو زیادہ دیر تک سیر رکھتی ہیں۔

تاہم پاستا میں چٹنی، مکھن، کریم، گوشت اور/یا پنیر شامل کرنے سے اس کیلوریز میں اضافہ ہو سکتا ہے اور یہ آپ کے وزن کم کرنے کے ہدف کو حاصل کرنے میں رکاوٹ کا باعث بن سکتا ہے۔

لوگوں کی بڑی تعدا پاستا کو سائیڈ ڈش کے بجائے مین ڈش کے طور پر کھاتی ہے، اس طرح وہ تجویز کردہ مقدار سے زیادہ کھالیتی ہیں اس طرح کوئی بھی کھانا جو زیادہ یا مجموعی طور پر غیر متوازن غذا کے حصے کے طور پر کھایا جاتا ہے،غیر صحت بخش بن سکتا ہے اسی لیے ماہرین غذائیت کا کہنا ہے کہ رات کے کھانے اگر پاستا شامل کیا جارہا ہے تو اس کی مقدار کو کم رکھیں اور اس کے ساتھمختلف سبزیاں بھی شامل کریں۔

پاستا ڈش کو متوازن کرنے کا ایک اور طریقہ یہ ہے کہ اسے بطور سائیڈ ڈش استعمال کریں۔ جبکہ ایک تحقیق کے مطابق پاستا کھانے سے مزاج بہتر ہوتا ہے اور یہ آپ کو اتنا ہی خوشی کرسکتا ہے جتنا کہ آپ اپنا پسندیدہ گانا سن کر خوش ہوتے ہیں ۔