آج ہم آپکو بتائیں گے کہ ورزش مردوں سے زیادہ خواتین کے لیے کیوں فائدہ مند ہے۔

ایک حالیہ تحقیق کے مطابق وہ خواتین جو باقاعدگی سے ورزش کرتی ہیں ان کے مردوں کے مقابلے میں قبل از وقت موت کے امکانات کم ہوتے ہیں۔

جی ہاں، تحقیق میں بتایا گیا کہ ورزش کرنے والی خواتین میں ورزش نہ کرنے والی خواتین کے مقابلے میں قبل از وقت موت کے امکانات 24 فیصد کم جبکہ مردوں میں یہ شرح 15 فیصد ہوتی ہے۔

محققین نے بتایا کہ ورزش کرنے والی خواتین میں مہلک دل کے دورے، فالج یا دیگر قلبی وقوعے کے خطرات 36 فیصد کم جبکہ مردوں میں یہ شرح 14 فیصد ہوتی ہے۔

محققین کے مطابق ان نتائج میں پیش آنے والے اس فرق کی ممکنہ طور پر مختلف وجوہات ہوسکتی ہیں جن میں سے ایک عضویات کا مختلف ہونا ہے، جیسے کہ مردوں پھیپھڑوں میں بڑی جگہ ہوتی ہے، ان کا دل بڑا ہوتا ہے، لِین باڈی ماس زیادہ ہوتا ہے اور فوری طور پر توانائی دینے والے پٹھوں کی شرح زیادہ ہوتی ہے۔

ان تمام خصوصیات کے سبب مرد خواتین کے مقابلے میں زیادہ طاقت پیدا کرتے ہیں۔ تاہم خواتین مردوں کے برابر ورزش کے لیے زیادہ کوشش کرتی ہیں۔

وہ خواتین نے جنہوں نے ہر ہفتے معتدل ورزش میں 140 منٹ صرف کیے تھے ان کے قبل از وقت موت کے امکانات 18 فیصد تک کم ہوگئے تھے لیکن یہ نتائج پانے کے لیے مردوں کو ورزش کا دورانیہ دُگنا یعنی 300 منٹ کرنا پڑا تھا۔