دانت اگر صاف اور مسوڑھے صحت مند ہوتو یہ آپ کی مسکراہٹ کو متاثر کن بنانے کے ساتھ آپ کی مجوعی صحت کو بھی بہتر بناتے ہیں۔

جس طرح دانتوں کی صحت کے لیے ایسی تمام غذاؤں سے پرپیز کرنے کو کہاجاتا ہے جن میں ایسڈ ہو، بہت زیادہ گرم جیسے چائے یا کافی، بہت زیادہ ٹھنڈی جیسے آئس کریم اور سافٹ ڈرنکس شامل ہیں تاہم انتہائی صحت بخش غذائیں بھی آپ کے موتی جیسے دانتوں کو داغ دار کر سکتی ہے۔

 وٹنی ڈی فوگیو، جو کہ ایک رجسٹرڈ ماہر داندان ساز ہے کا کہنا ہے کہ کوئی بھی چیز جو ٹی شرٹ کو داغ دار بنا سکتی ہے ممکنہ طور پر آپ کے موتیوں جیسے سفید دانت کی رنگت کو بھی خراب کر سکتی ہے، جیسے سرخ چٹنی یا بلو بیریز۔

اس حوالے سے انہوں نے اپنے ایک مریض کا ذکر کیا جس کی زبان واقعی سیاہ ہورہی تھی جب ان سے پوچھا گیا تو مریض نے کہا کہ وہ دن بھر بلیو بیری کھاتے رہتے ہیں کیونکہ انہیں یہ بہت ہی زیادہ پسند ہیں یہی وجہ ہے کہ ان کے دانت اور زبان بلیوبیری کثرت سے کھانے کی وجہ سے سیاہ ہوگئی تھی۔

فوگیو نے کہا کہ دانتوں کی رنگت کو صاف رکھنے کے لیے ضروری ہے کہ ان گہری رنگت والی غذاؤں کو محدود کیا جائے۔

تاہم لوگوں کی بڑی تعداد اپنی صبح کے معمول میں چائے یا کافی پینے اور رات میں بھی انہی مشروبات کے استعمال کوترک نہیں کر سکتی ہے ایسی صورت میں فوگیو کا کہنا ہے کہ جب بھی ان مشروبات کا استعمال کریں اس کے فوراً بعد پانی سے کلی کر لیں یہ ایک آسان سا طریقہ جو کسی بھی غذا سے دانتوں کی رنگت کو خراب ہونے سے محفوظ رکھ سکتا ہے تاہم یہ عارضی طور پر کام کرتا ہے۔

پلاک، بیکٹیریا کی پتلی تہہ جو دانتوں کو ڈھانپتی ہے  یہ صرف برش اور فلاسنگ کے ذریعے ہی صاف ہوسکتی ہے اگر اس کی بروقت صفائی نہ کی جائے تو یہ دانتوں پر داغ کی صورت دکھائی دینے لگتی ہے۔

اسی لیے دانتوں کی حفظان صحت کے لیے ضروری ہے کہ روزانہ برش اور فلاسنگ کی جائے اور ساتھ ہی  دانتوں کے ساتھ زبان کی بھی صفائی پر بھی توجہ دی جائے اکثر برش کے پیچھے زبان صاف کرنے کے لیے چند لکیریں دی جاتی ہیں تو کوشش کریں کہ برش کرنے کے بعد زبان کی بھی صفائی کو یقینی بنائیں کیونکہ سانس کی بدبو کے 90 فیصد بیکٹیریا زبان پر پائے جاتے ہیں۔

فوگیو نے خبردار کیا کہ اگر کھانے کے بعد چپچپا مادہ دن بھر دانتوں پر جمع رہے، تو یہ مستقل ٹارٹر کی صورت اختیار کر لیتا ہے  اسے سخت ہونے اور کیویٹی بننے میں 24 سے 72 گھنٹے لگتے ہیں۔  لہٰذا، فلاسنگ کا ایک دن بھی ناغہ نقصان دہ پلاک کی تعمیر کو تیز کر سکتا ہے۔

اسی طرح یہ مسوڑھوں کی بیماری کا سبب بنتا ہے۔ اور لوگوں میں دانتوں کے گرنے کی سب سے بڑی وجہ مسوڑھوں کی بیماری ہے کیویٹی نہیں۔