دنیا میں ایسے افراد کی کمی نہیں ہے جو اب گوشت کو ترک کر کے سبزی جاتی غذاؤں کو ترجیح دے رہیں کہ تاکہ صحت کو مزید بہتر بنایا جاسکے۔

یہی وجہ ہےکہ سبزیوں پر مبنی غذاؤں کا استعمال ایک ذاتی انتخاب ہے، ان غذاؤں پر انحصار آپ کو فوائد اور نقصان دونوں پہنچا سکتا ہے تاہم گوشت کو ترک کرنے اور صرف سبزیوں کو کھانے سے جسم میں کچھ تبدیلیاں جنم لیتی ہیں جو یہاں پیش کی جارہی ہیں۔

وزن کا کم ہونا

کچھ لوگ جب گوشت کو ترک کر کے سبزی جاتی غذاؤں کا خوراک میں شامل کرتے ہیں تو اس طرح وہ کم کیلوریز والی غذا جیسے ٹوفو اور دیگر سبزیوں سے پروٹین حاصل کرتے تو ایسی صورت میں ان کا وزن کم ہوسکتا ہے۔

جرنل آف دی اکیڈمی آف نیوٹریشن اینڈ ڈائیٹکس میں شائع ہونے والی ایک تحقیق کے مطابق سبزی کھانے سے اوسطاً 7.5 پاؤنڈ وزن کم ہوتا ہے اور جتنا طویل عرصہ آپ ان غذاؤں پر انحصار کریں گے اتنا ہی وزن کم ہوگا۔

آنتوں میں نئے بیکٹیریا کی افزائش

کوئی بھی فرد جب اپنی غذا کو مکمل تبدیل کرتا ہے تو ایسی صورت میں نہ اس صرف اس کی توانائی متاثر ہوتی ہے بلکہ یہ اس کے آنتوں میں موجود بیکٹیریا کے میک اپ کو بھی بدل دیتی ہے جو آپ کے وزن سے لے کر آپ کی دماغی صحت تک ہر چیز کو متاثر کر سکتے ہیں۔ محققین کا خیال ہے کہ زیادہ سبزیاں کھانے سے آنتوں میں صحت مند بیکٹیریا کی افزائش میں اضافہ ہو سکتا ہے۔

خوراک میں اچانک تبدیلی سے ابتدا میں آپ کو بد ہضمی اور پیٹ پھولنے کی شکایت ہوسکتی ہے اس لیے کوشش کریں کہ خوارک میں آہستہ آہستہ تبدیلی لے کر آئیں۔

دل کی بہتر صحت

سبزیوں پر مبنی غذائیں امراض قلب، کارڈیو میٹابولک خطرے کے عوامل اور کینسر کی کچھ اقسام سے  تحفظ فراہم کرتی ہے۔ ایک تحقیق کے مطابق پودوں پر مبنی غذائیں سوزش کو دور کرتی ہے۔

ذائقے کا محسوس کرنے کی حس کا متاثر ہونا

سبزی جاتی غذا کھانے والوں میں نہ صرف زنک کی کمی ہوسکتی ہے بلکہ یہ کمی جسم کے کئی افعال کو بھی متاثر کر سکتی ہے جس میں ذائقے کی حس بھی شامل ہے۔

 پھلیاں اور دالیں جسم میں زنک کے جذب ہونے کے عمل میں مداخلت کا سبب بن سکتی ہیں۔ واضح رہے کہ زنک گری دار میوے، سالم اناج اور دودھ کی مصنوعات میں پایا جاتا ہے، اس کا مطلب یہ ہے کہ جو لوگ اپنی غذا میں پھلیوں سے پروٹین حاصل کرتے ہیں انہیں زنک کی کمی کو پورا کرنے کے لیے دیگر ذرائع پر غور کرنا ضروری ہے۔

ورزش کے بعد پٹھوں کی مرمت میں زیادہ وقت لگنا

کسی جسمانی سرگرمی جیسے ورزش کے نتیجے پٹھوں میں جو ٹوٹ پھوٹ کا عمل ہوتا ہے اسے ٹھیک کرنے اور نئے ٹشوز بنانے پروٹین بنیادی کردار ادا کرتا ہے۔ جسم جانوروں سے حاصل ہونے والے پروٹین کو پودوں پر مبنی پروٹین سے نہ صرف کم وقت میں بلکہ قدرے بہتر انداز میں جذب کر کے استعمال کرتا ہے۔ اس کا مطلب یہ ہے کہ سبزیوں پر مبنی غذاؤں یا ویگن کھلاڑیوں کو ورزش کے بعد بحالی کے لیے اضافی وقت کی ضرورت پڑ سکتی ہے۔

ملٹی وٹامنز کی ضرورت

سبزیوں پر مشتمل غذا کھانے والوں میں آئرن اور دیگر معدنیاں کی کمی کی شکایت ہوسکتی ہے اس لیے ضروری ہے کہ سبزی جاتی غذا کے ساتھ کچھ معیاری ملٹی وٹامنز اور معدنی سپلیمنٹس کا استعمال کیا جائے تاکہ ایک متوازن غذا کے حصول کو یقینی بنایا جاسکے۔