کیا آپکو معلوم ہے کہ بہتر نیند کے لئے ادویات کا استعمال صحت کے لیے کیسا ہے؟ اگر نہیں تو آئیے ہم آپکو بتاتے ہیں۔

ماہرینِ صحت کے مطابق امریکی فوڈ اینڈ ڈرگ ایڈمنسٹریشن کے پاس ان ادویات کی فہرست ہے جو بے خوابی کے لیے منظور شدہ ہیں لیکن یہ نوٹ کرنا ضروری ہے کہ ان میں سے بہت سی ادویات ضمنی اثرات کی حامل ہیں۔ ان ضمنی اثرات میں شامل ہیں۔

اگلے روز چڑچڑاپن

نیند میں چلنا

الجھن

چکر آنا

دوا لینے کی عادت پڑجانا باجود اس کے کہ وہ طویل مدتی استعمال کے لیے نہیں ہوتیں۔

ماہرین نے بتایا کہ جو بھی بےخوابی کیلئے ادویات استعمال کرنے پر غور کر رہا ہے اسے سب سے پہلے اپنے ڈاکٹر سے رجوع کرنا چاہیے۔

ان کا کہنا تھا کہ کچھ لوگ سونے کے لیے اینٹی ہسٹامائن لیتے ہیں۔ اینٹی ہسٹامائنز اگر زیادہ مقدار میں لی جائیں یا دوسری ادویات اور الکوحل کے ساتھ ملائی جائیں تو خطرناک مقدار میں لی جانے والی خوراک بن سکتی ہیں۔

انہوں نے کہا کہ اسی طرح کا معاملہ میلاٹونن کا ہے جو نیند کا ایک ہارمون ہے، میلاٹونن سپلیمنٹس قدرتی ہارمون کا لیب میں تیار کردہ ورژن ہوتا ہے۔

ماہرین کے مطابق اس بات کے اگرچہ کچھ شواہد موجود ہیں کہ میلاٹونن سپلیمنٹس بے خوابی میں مدد کر سکتے ہیں لیکن مختلف تحقیقات مخلوط نتائج سامنے آئے ہیں کہ آیا یہ سپلیمنٹس ان لوگوں کے لیے مفید ہیں یا نہیں جن کو بےخوابی کی دائمی پریشانی ہے۔

ان کا مزید کہنا تھا کہ لوگوں کو میلاٹونن اور دیگر سپلیمنٹس کو استعمال کرنے سے پہلے محتاط ہونا چاہیے اور اپنے ڈاکٹر سے مشورہ حاصل کرنا چاہیے۔