آج ہم آپکو روزانہ صرف ایک چمچ شہد کھانے کے حیران کُن فوائد بتائیں گے۔

ذیابیطس کو کنٹرول کرنا

شہد ذیابیطس کو کنٹرول کرنے کے لیے مفید ثابت ہوتا ہے، اس میں موجود اینٹی آکسائیڈنٹس سے ذیابیطس کو کنٹرول کرنے میں مدد ملتی ہے جبکہ خون میں شکر کی مقدار بھی گھٹ جاتی ہے۔

اس کے استعمال سے خون میں چکنائی اور ایسے پروٹینز کی سطح میں بھی کمی آتی ہے جو بلڈ شوگر میں اضافے کا باعث بنتے ہیں۔

دل کی صحت بہتر کرے

شہد میں موجود اینٹی آکسائیڈنٹس سے دل کی صحت بہتر ہوتی ہے اور ہارٹ فیلیئر کا خطرہ گھٹ جاتا ہے۔

اس کے استعمال سے خون میں پلیٹلیٹس کی کلاٹ بننے کی صلاحیت میں کمی آتی ہے جس سے ہارٹ فیلیئر کا خطرہ کم ہوتا ہے۔

کھانسی دور کرے

شہد کے استعمال سے سانس کی نالیوں کو فائدہ ہوتا ہے جس سے دمہ اور کھانسی کی شدت سے ریلیف ملتا ہے۔

اینٹی آکسائیڈنٹس سے بھرپور

عمر بڑھنے کے ساتھ ہمارے جسم میں ایسے مالیکیولز کی تعداد بڑھ جاتی ہے جو صحت کے لیے نقصان دہ ہوتے ہیں اور خلیات کے افعال متاثر کرتے ہیں۔

شہد اور دیگر اینٹی آکسائیڈنٹس سے بھرپور غذاؤں کے استعمال سے ان مالیکیولز کی روک تھام میں مدد ملتی ہے اور دائمی امراض سے متاثر ہونے کا خطرہ گھٹ جاتا ہے۔

جسمانی کارکردگی بہتر کرے

جسمانی سرگرمیوں کے دوران شہد کی معمولی مقدار کے استعمال سے کارکردگی بہتر ہو جاتی ہے۔

نظامِ ہاضمہ کے لئے مفید

شہد میں موجود اجزا سے نظامِ ہاضمہ بہتر ہوتا ہے اور مختلف اجزا جیسے کاربوہائیڈریٹس آسانی سے جسم میں جذب ہو جاتے ہیں۔

شہد میں موجود شکر براہ راست خون میں جذب ہو جاتی ہے اور اسے ہضم کرنے کی ضرورت نہیں ہوتی جس کے باعث جسمانی توانائی میں فوری اضافہ ہوتا ہے۔

اس میں پری بائیوٹیکس کی مقدار کافی زیادہ ہوتی ہے اور پری بائیوٹیکس سے معدے میں موجود صحت کے لیے مفید بیکٹریا کی تعداد میں اضافہ ہوتا ہے۔

شفاف جِلد

شہد میں موجود اینٹی آکسائیڈنٹس جسم سے زہریلے مواد کے اخراج میں مدد فراہم کرتے ہیں، جبکہ اس کی جراثیم کش خصوصیات جِلد کو شفاف اور بہتر بنانے میں مددگار ثابت ہوتی ہیں۔