یہ حیران کن خبر چین سے آئی جہاں ایک لڑکی نے محبت کے نام پر اپنے دوست کی زندگی اجیرن کردی یہ کہہ کر وہ جہاں بھی ہو اسے اپنی جگہ یا علاقے سے پل پل آگاہ کرے۔

چین کے صوبے سیچوان سے تعلق رکھنے والی 18 سالہ ژیایو یونیورسٹی کے پہلے ہی سال ایک لڑکے جس کانام رازداری کی وجہ سے ظاہر نہیں کیا گیا ہے کو دل دے بیٹھی۔

چینگڈو کے فورتھ پیپلز ہسپتال کے ڈاکٹر ڈونا کے مطابق ژیایو اپنے دوست کے ساتھ غیر فطری طور پر ایک ایسی جنونی محبت مبتلا ہوگئی کہ وہ ہر وقت اس کا مقام جاننا چاہتی تھی اور جب اس کا دوست فوری جواب نہیں دیتا تو وہ گھبرا جاتی تھی جس کی وجہ سے دونوں کی زندگیاں ایک ڈراؤنا خواب بن گئی تھی۔

ڈاکٹرڈونا کا کہنا ہے کہ اپنے دوست کو دن میں 100 سے زائد بار اسے فون کرنے والی ژیایو  ایک غیر معمولی ذہنی عارضے میں مبتلا ہے جسے لو برین کہا جاتا ہے۔

اس عارضے کی وجہ سے ژیایو نے جب اپنے دوست کی کال کی اور اس نے اسے ریسیو نہیں کیا تو وہ اس قدر غصے میں آگئیں کہ اس نے دوست کے اپارٹمنٹ کی ہر چیز توڑ ڈالی۔ جب اس کا دوست گھر آیا اور یہ سارا منظر دیکھا تو اس نے پولیس کو بلایا، جبکہ ژیایو چھلانگ لگانے کی دھمکی دیتے ہی بالکونی میں پہنچ گئی۔

تاہم ژیایو کو بالآخر اس عمل سے روک دیا گیا اور پھر اسے ہسپتال لے جایا گیا، جہاں اس میں ایک بارڈر لائن پرسنلٹی ڈس آرڈر کی تشخیص ہوئی جسے عام بول چال میں لو برین کہاجاتا ہے۔

 ڈاکٹر ڈونا کا کہنا ہے کہ لو برین سے کم متاثر ہونے والے افراد عام طور پر اپنے جذبات پر قابو پانا سیکھ کر صحت یاب ہو سکتے ہیں اور معمول کی زندگی گزار سکتے ہیں، لیکن ژیایو میں اس عارضے کی شدت زیادہ ہے تو ایسی صورت میں طبی مدد کی ضرورت ہوتی ہے۔

اگرچہ ڈاکٹر ڈو نا ژیایو کی اس حالت کی درست وجہ نہیں جان سکیں ہیں تاہم ان کا کہنا ہے یہ عارضہ  عام طور پر ایسے لوگوں میں جنم لیتا ہے جن کے والدین کے درمیان تعلقات صحت مند نہیں ہوتے۔

ژیایو کہ کہانی سوشل میڈیا پر شیئر ہونے کی وجہ سے چینی سوشل میڈیا صارفین میں ایک نئی بحث کا آغاز ہوگیا ہے اور صارفین محبت میں جنم لینے والے جذبات اور احساسات پر اپنے رائے کا اظہار کر رہے ہیں۔