کولیجن ایک پروٹین جو جلد، ہڈیوں اور جوڑنے والی بافتوں کی ساخت اور ان کےکام میں اہم کردارادا کرتا ہے۔ کولیجن آپ کے جسم کے پروٹین کا 30 فیصد حصہ بناتا ہے، یہ پروٹین جلد کے بنیادی تعمیراتی بلاکس میں سے ایک ہے۔

 یہ جسم کو اندرسے طاقت اور ایک مخصوص ساخت فراہم کرتا ہے۔ یہ کنیکٹیو ٹشو کا ایک لازمی جزو ہے اور جسم کے خلیوں کو ایک ساتھ رکھنے میں اہم کردار ادا کرتا ہے۔ یہ جلد کی لچک کا بھی ضامن ہے

عمر بڑھنے کے ساتھ جسم میں کو لیجن بنانے کی رفتار کم ہونا شروع ہوجاتی ہے جس کے نتیجے جلد سمیت  جسم کے تمام ہی اعضاء متاثر ہونے لگتے ہیں اسی لیے عمر رسیدگی کے اثرات جیسے جھریاں چہرے پر تیزی سے نمودار ہونے لگتی ہے۔ تاہم کولیجن سے بھرپور غذاؤں اور سپلیمنٹس کے استعمال سے  عمر رسیدگی کے اثرات کو کم کیا جاسکتاہے۔

یہاں پر ایسی ہی غذاؤں کا ذکر جارہا ہے جو کولیجن کو بڑھانے میں اہم کردار ادا کرتی ہیں

ہڈیوں کا شوربہ

جانوروں کی ہڈیوں میں کولیجن کی مقدار زیادہ ہوتی ہے اور جب ہڈیاں پانی میں ابل جاتی ہیں تو کولیجن ٹوٹ کر جلیٹن بن جاتا ہے اور جسم سے زیادہ آسانی سے جذب ہو جاتا ہے۔

مچھلی

مچھلی میں کولیجن کی ایک قسم ہوتی ہے جسے میرین کولیجن کہاجاتا ہے۔ میرین کولیجن میں ٹائپ I کولیجن نامی ایک مرکب ہوتا ہے جو جلد، ہڈیوں اور بافتوں کی صحت کے لیے خاص طور پر فائدہ مند ہے۔کولیجن زیادہ تر مچھلی کی جلد میں پایا جاتا ہے۔

چکن

مرغی کا گوشت کولیجن کو بڑھانے میں مدد فراہم کرتا ہے یہ گٹھیا اور جوڑوں کی صحت کے لیے بھی فائدہ مند ثابت ہوتا ہے تاہم چکن کی جلد کھانے سے آپ کو زیادہ کولیجن ملے گا۔

گائے کا گوشت

بیف کولیجن جسے بوائین کولیجن بھی کہا جاتا ہے اس میں ٹائپ I اور ٹائپ II دونوں طرح کے کولیجن موجود ہوتا ہے جو جلد، دانتوں، ہڈیوں اور جوڑنے والے بافتوں کو صحت مند رکھنے میں معاون ثابت ہوتا ہے۔ جبکہ اسٹیک کولیجن کا ایک بہت بڑا اور مؤثر ذریعہ ہے۔

انڈے کی سفیدی

انڈے کی سفیدی میں پرولین نامی امینو ایسڈ پایاجاتا ہے ہوتا ہے جو جسم میں کولیجن کو بنانے مدد دیتا ہے۔

پھل

ترش پھل اور بیریاں دونوں ہی جسم میں کولیجن بنانے میں مدد دیتی ہیں اس کی وجہ ہے کہ ان میں وٹامن سے کثیر مقدار میں پایا جاتا ہے جو جسم میں کولیجن بنانے میں مدد کرتا ہے۔

لہسن

لہسن میں سلفر نامی جز پایا جاتا ہے جو جسم نہ صرف کولیجن بنانے میں مدد کرتا ہے یہ اسے جسم میں ٹوٹنے سے بھی روکتا ہے، اس کے علاوہ لہسن میں موجود کچھ اجزاء جیسے لپڈ ایسڈ جو کسی بھی خراب کولیجن کے ریشوں کو دوبارہ بنانے میں مدد کرتے ہیں۔

ڈیری مصنوعات

دودھ کی مصنوعات میں کولیجن نہیں ہوتا ہے لیکن ان میں دو امینو ایسڈ پرولین اور گلائسین موجود ہوتا ہے جو کولیجن کے مالیکیول بنانے میں مدد کرتے ہیں۔

کاجو

کاجو میں بھی کولیجن نہیں پایا جاتا تاہم ان میں معدنی تانبا موجود ہوتا ہے جو جسم کو کولیجن اور ایلسٹن بنانے میں مدد کرتا ہے۔ ایلسٹین جلد کو طاقت اور لچک دونوں فراہم کرتا ہے ۔