یہ اسکرب لگائیں، صرف 5 منٹ میں بلیک ہیڈز سے نجات پائیں

ویب ڈیسک

23rd Aug, 2024. 04:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یہ اسکرب لگائیں، صرف 5 منٹ میں بلیک ہیڈز سے نجات پائیں

چہرہ شخصیت کا آئینہ ہے اسی لیے چہرے کی جلد کی صحت اور حفاظت کا خیال رکھنا نہایت ضروری ہے، یوں تو جلد کے کئی مسائل ایسے ہیں جن سے چہرہ اپنی دلکشی کو کھونے لگتا ہے ان ہی میں بلیک ہیڈز بھی شامل ہیں۔

بلیک ہیڈز جلد کا ایک بہت ہی عام مسئلہ ہیں، جس کی وجہ سے خواتین کی بڑی تعداد پریشان رہتی ہیں، یہ اکثر ناک اور ٹھوڑی پر ظاہر ہوتے ہیں جس کی وجہ چہرہ اپنی خوبصورتی کھونے لگتا ہے۔

یہاں پرچاول کے آٹے اور لیموں کے رس سے ایک ایسا اسکرب تیار کرنے کا طریقہ پیش کیا جارہا ہے جو ان بلیک ہیڈز کو صاف کر کے آپ کی جلد کو ایک نئی دلکشی فراہم کرے گا۔

اس اسکرب میں موجود آٰٹا جلد کے کھلے ہوئے مسامات کو بند کرنے جبکہ لیموں کا رس آپ کی جلد کو صاف اور چمکدار بنانے میں مدد فراہم کرے گا۔

اسکرب بنانے کا طریقہ

اجزاء:

تازہ لیموں کا رس 5 سے 6 قطرے

چاول کا آٹا آدھا چائے کا چمچ

ہدایات:

آدھا چائے کے چمچ میں 5 سے 6 قطرے لیموں کا رس ملائیں اور اچھی طرح مکس کریں، اب اس آمیزے کو اپنے چہرے پر لگاکر ہلکے ہاتھوں سے دائروں کی صورت میں مساج کریں، اس اسکرب کو چند منٹ کے لیے چہرے پر لگا رہنے دیں پھر ٹھنڈے پانی سے دھولیں۔