موسم گرما اپنے ساتھ کئی پھلوں کی سوغات لے کر آتا ہے انہیں میں تربوز بھی شامل ہیں، تربوز موسم گرما کا ایک بہترین اور صحت بخش پھل ہے،  اسے قدرت نے گرمیوں میں اس لیے پیدا کیا ہے کیونکہ یہ اس موسم میں نہ صرف آپ کی پیاس بجھاتا ہے بلکہ گرمیوں کے امراض سے تحفظ بھی فراہم کرتا ہے۔

اس پھل کی سب سے خاص بات اس میں موجود پانی کی مقدار ہے یعنی تربوز کا تیز گلابی گودا یا پورا پھل بیانوے فیصد پانی پر مشتمل ہوتا ہے، اس پانی میں پو ٹاشیم کی کثیر مقدار موجود ہوتی ہے، پوٹاشیم اس پانی کو جسم کے اندر نہ صرف برقرار رکھتا ہے، بلکہ آپ کی پیاس بھی بجھاتا ہے اور اس کے ساتھ یہ پانی جسم کے ہر خلیے تک جو نمی درکار ہوتی ہے وہ بھی فراہم کرتا ہے۔

یہ بھی پڑھیں: وہ نشانیاں جو میٹھے اور سرخ تربوز کی خریداری کو آسان بنائیں

تربوز اگر میٹھا ہوتا لوگ اسے ٹھنڈا کر کے کھاتے ہیں تاہم کم میٹھا ہونے کی صورت میں لوگ اکثر اسے کھانے سے گریز کرتے ہیں، یہاں پر تربوز کی ایک مزیدار ریسیپی پیش کی جارہی ہے جو، چاہے تربوز میٹھا یو یا پھیکا یہ اس گرم موسم میں آپ کو تازگی اور ٹھنڈک کا احساس دلائے گی۔

اجزاء:

اس ریسیپی کے لیے  جو اجزاء درکار ہیں ان میں 5 کپ فروزن تربوز، 1\4 کپ شہد، 3 کھانے کے چمچ لیموں کا رس اور 1 کھانے کا چمچ لائم زیسٹ شامل ہیں۔

ترکیب:

تربوز کے کیوب بناکر دو گھنٹے کے لیے فریزر میں رکھ دیں۔ جب یہ فریز ہوجائیں تو ان پر شہد لیموں کا رس اور لیمن زیسٹ ڈال کر اچھی طرح مکس کریں اور مزے دار ٹھنڈے تربوز کا لطف اٹھائیں۔