موسم خزاں کی آمد کے ساتھ ہر سو انار کی بہار دکھائی دینے لگتی ہے، سرخ اور سفید کھٹا میٹھا ذائقہ لیے یہ انارنہ صرف  سب کا پسندیدہ پھل ہے بلکہ اتہائی صحت بخش بھی ہے۔

 انار میں موجود اجزاء اور ان کا بہترین تناسب آپ کو کئی امراض سے بچانے اور صحت کو بہتربنانے میں معاون ثابت ہوتے ہیں، یوں تو لوگوں کی بڑی تعداد سرخ انارکو زیادہ پسند کرتی ہے تاہم سفید انار کی افادیت بھی کسی سے کم نہیں ہے۔

سفید انار کا سائز عموماً درمیانہ ہوتا ہے، اور اس کے اندر دانوں کا رنگ سفید یا ہلکا گلابی ہوتا ہے اور یہ ذائقے میں بے حد میٹھے ہوتے ہیں، دنیا بھر میں سفید انار کی کئی اقسام پائی جاتی ہے، اور یہ سرخ انار کے مقابلے میں کم کاشت کیے جاتے ہیں۔

یہ بھی پڑھیں: کس پھل کاچھلکا صحت بخش چائے کے لیے مشہور ہے؟

دنیا بھر میں سفید انار کی کئی اقسام پائی جاتی ہے، اور یہ سرخ انار کے مقابلے میں کم کاشت کیے جاتے ہیں۔سفید انار میں اینٹی آکسیڈنٹس پائے جاتے ہیں جو خلیات کو فری ریڈیکلز سے بچاتے ہیں، فائبر جو نظامِ ہضم کو بہتر بناتا ہے، اور پوٹاشیم جو جسم میں پانی کے توازن کو برقرار رکھتا ہے۔

اس میں وٹامن سی بھی وافر مقدار میں موجو ہوتا ہے جو مدافعتی نظام کو مضبوط بناتا ہے، وٹامن ای سوزش کو کم کرتا ہے، جبکہ وٹامن کے زخموں کو جلد مندومل کرنے مدد دیتا ہے، اور اس کے علاوہ منگنیز، فولیٹ اور بی وٹامنز کی تھوڑی مقدار بھی پائی جاتی ہے۔

کہتے ہیں کہ انار کا داغ ضدی ہوتا ہے اور آسانی سے صاف نہیں ہوتا تاہم سفید انار میں اس طرح کو کوئی خوف نہیں ہوتا آپ اسے بلا کسی خوف کے کھاسکتے ہیں۔