ایرانی صدر حسن روحانی نے منگل کے روز اپنے خطاب میں کہا کہ ایران کسی بھی ملک کے خلاف جنگ نہیں چھیڑے گا۔
جمعرات کے روز خلیجِ عُمان میں دو تیل بردار جہازوں پر حملے کے بعد سے ایران اور امریکا کے درمیان تصادم کے خدشے بڑھ گئے ہیں۔ واشنگٹن نے ایران کو اس حملے کا زمہ دار ٹھہرایا ہے۔
دوسری جانب یورپی یونین میں خارجہ پالیسی کی رابطہ کار فیڈریکا موگرینی نے کہا کہ یمن، شام اور دیگر علاقوں میں ایران کی مداخلتیں “غیر مثبت”ہیں۔
غیر ملکی خبررساں اسارے کے مطابق موگرینی نے ایران کے ساتھ کشیدگی میں اضافے پر یورپی یونین کی تشویش کا اظہار کیا۔ انہوں نے کہا کہ ” ہم اس وقت حالات کو پرسکون بنانے کے لیے کام کر رہے ہیں”۔
موگرینی نے مزید کہا کہ ابھی تک ایران نے ہماری توقعات کے مطابق جوہری معاہدے کی پاسداری کی ہے۔ انہوں نے کہا کہ اس سلسلے میں ایٹمی توانائی کی عالمی ایجنسی کی آئندہ رپورٹ کا انتظار ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
