تھپڑ مارنے والے وکیل کی ضمانت پر خاتون پولیس اہلکار برس پڑیں

وریشہ مسعود

08th Sep, 2019. 07:24 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تھپڑ مارنے والے وکیل کی ضمانت پر خاتون پولیس اہلکار برس پڑیں

شیخوپورہ کے علاقے فیروز والا میں لیڈی کانسٹیبل کو تھپڑمارنے والے وکیل کی ضمانت ہوگئی۔

وکیل کی بدسلوکی کا شکار لیڈی پولیس اہلکاروکیل کی ضمانت پر برس پڑیں اور کہا کہ کیا یہی ہے عورت کی عزت کہ کوئی بھی اسے سرعام تھپڑ مار کر چلا جائے۔

لیڈی کانسٹیبل نے الزام عائد کیا ہے کہ سب انسپکٹرنےاس کا بیان بھی ریکارڈ نہیں کیا ،نام کےغلط اندراج اور اس کے بیانات نہ ہونے کی وجہ سے وکیل کی فوری ضمانت منظور ہوئی۔

لیڈی کانسٹیبل کا مزید کہنا تھا کہ ان کی جو تصویر شہباز گل کی جانب سے سوشل میڈیا پر شائع کی گئی وہ جھوٹ پر مبنی ہے۔

واضح رہے کہ گزشتہ روز شیخوپورہ کی تحصیل فیروز والا میں خاتون پولیس اہلکار کو تھپڑ مارنے والے وکیل کو اُسی لیڈی کانسٹیبل نےعدالت میں پیش کیا تھا۔

گزشتہ روز فیروز والا کچہری میں خاتون پولیس اہلکار نے احمد مختار نامی وکیل کو لیڈیز چیکنگ پوائنٹ پر گاڑی پارک کرنے سے منع کیا تھا جس پر وکیل احمد مختار نے ہٹ دھرمی کا مظاہرہ کرتے ہوئے لیڈی کانسٹیبل سے بدتمیزی کی اور تھپڑ مارا تھا ۔

ڈی پی او شیخوپورہ غازی صلاح الدین نے واقعے کا نوٹس لیتے ہوئے وکیل کیخلاف مقدمہ درج کرنے کا حکم دیا تھا جس کے بعد مقدمہ درج کرکے ملزم کو گرفتار کیا گیا تھا۔