رہنما مسلم لیگ ن احسن اقبال نے کہا ہے کہ عمران خان سیاست سے ریٹائر ہو جائیں،معیشت ٹھیک ہو جائے گی۔

تفصیلات کے مطابق احسن اقبال نے وزیر اعظم عمران خان پر تنقید کرتے ہوئے کہا ہے کہ خان صاحب طاہر القادری کی تقلید کرتے ہوئے خود ریٹائرڈ فیل ڈکلیئر کردیں۔

احسن اقبال کا کہنا تھا کہ پنجاب بد ترین انتظامی بحران کا شکار ہےجبکہ یہ بات ثابت ہوچکی کہ حکومت عقل سے پیدل ہے، سلیکٹڈ حکومت مکمل طور پر ناکام ہو چکی ہیں۔

مسلم لیگ ن کے رہنما و سابق وزیر داخلہ احسن اقبال کا یہ بھی کہنا تھا کہ وزیراعظم عمران خان نفرت اور انتقام سے ملک چلانے کی کوشش کررہے ہیں۔

احسن اقبال نے کہا کہ پنجاب میں ڈینگی سر اٹھا رہا ہےاور حکومتی نا اہلی سے پولیو کے ہر روز نئے کیس سامنےآرہے ہیں۔

احسن اقبال نے نے یہ بھی کہا کہ دھرتی کے لیے جان کا نذرانہ پیش کرنے والے شہداء کو قوم سلام پیش کرتے ہے،50 کروڑ کرپشن پر سی کلاس دینے کی بات کر کے یہ اپوزیشن کو ہراساں کر رہے ہیں۔۔

رہنما مسلم لیگ ن احسن اقبال نے مزید کہا کہ پیپلز پارٹی نے اصولی طور پر مولانا کے دھرنے کی حمایت کی ہے لیکن عملی طور پر ساتھ دینے سے انکار کیا ہے،ابھی مولانا فضل الرحمن آرہے ہیں اب دیکھتے ہیں کہ کیا فیصلہ ہوتا ہے۔

واضح رہے کہ اس سے قبل پارلیمنٹ کے مشترکہ اجلاس سے خطاب کے بعد میڈیا سے گفتگو کرتے ہوئے مسلم لیگ نون کے رہنما احسن اقبال نے کہا تھا کہ کہ حکومت نے چیف الیکشن کمشنر کے خلاف ریفرنس بھیج کر اپنے فاشسٹ چہرے سے ایک اور پردہ اتار دیا ہے، پارلیمنٹ میں اتفاق رائے کی ضرورت تھی، جو حکومتی ہٹ دھرمی کے باعث پیدا نہ ہوسکی۔