مولانا فضل الرحمن کی محمد علی درانی سے ملاقات
مصالحت کار اور سابق وفاقی وزیر محمد علی درانی کی مولانا فضل الرحمن سے ملاقات ہوئی۔
تفصیلات کے مطابق ڈیرھ گھنٹے سے زائد جاری رہنے والی اس ملاقات میں محمد علی درانی نے مولانا فضل الرحمن کو اہم پیغام پہنچایا جبکہ دونوں رہنماوں کے درمیان موجودہ سیاسی صورتحال کے تناظرمیں کئی آپشنز پرغور بھی کیا گیا۔
ذرائع کے مطابق صحافی کی جانب سے کیے گئے سوال پر محمد علی درانی کا کہنا تھا کہ مولانا فضل الرحمن کو سلام کرنے حاضر ہوا تھا،مولانا فضل الرحمن نے وعلیکم السلام کہا اور مسکراتے ہوئے واپس روانہ ہو گئے۔
یاد رہے کہ محمد علی درانی خصوصی طور پر اسلام آباد سے براستہ سکھر لاڑکانہ پہنچے تھے۔
واضح رہے کہ جے یوآئی کے سربراہ مو لانا فضل الرحمان نے لاڑکانہ میں میڈیا سے گفتگو کرتے ہوئے کہا کہ آزادی مارچ مقررہ وقت پر شروع ہو گا، 31 اکتوبر کو اسلام آباد میں داخل ہو نگے۔
جے یوآئی کے سربراہ نے کہا کہ وفاقی حکومت نے ہتھکنڈے استعمال کرنا شروع کر دئے ہیں، ہمارے رہنماؤں کے گھروں پر چھاپے مارے جا رہے ہیں ایسے میں ایک انچ بھی پیچھے ہٹنا نہیں چاہیں گے۔
مولانا فضل الرحمان نے یہ بھی کہا کہ جب تک شائستہ حکومتیں تھیں ہم شائستہ رہے، اب تھوپی گئی حکومت کی پالیسز سے ہم لڑیں گے۔
مولانا فضل الرحمن کا کہنا تھا کہ انصار السلام جمیعت کا اہم شعبہ ہے اس پر پابندی کا حکومتی فیصلہ مسترد کرتے ہیں اس فیصلے پرعملدرآمد نہیں کریں گے۔
جے یوآئی کے سربراہ مولانا فضل الرحمان کا مزید کہنا تھا کہ اب تمام معاملات رہبر کمیٹی کے حوالے کردیئے ہیں، اگر مارچ کو روکا گیا تو پورے ملک میں لڑائی شروع ہوجائے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News