جمیعت علمائے اسلام (ف)کےسربراہ مولانا فضل الرحمان نےپارٹی کی قیادت کا اہم اجلاس طلب کرلیاہے جس میں مرکزی مجلس عاملہ صوبائی امراشرکت کررہے ہیں۔

تفصیلات کےمطابق اجلاس میں آزادی مارچ کےمستقبل کے حوالےسےفیصلہ کیاجائےگا۔

جمیعت علماء اسلام کی مرکزی مجلس عاملہ اور صوبائی امراء نظماء کا اجلاس مولانا فضل الرحمان کی رہائش گاہ پرہو رہا ہے۔

ذرائع کاکہناہےکہ اجلاس میں حکومتی مذاکراتی ٹیم کی طرف سے وزیراعظم کےفوری استعفےسےصاف انکار کے بعد کی صورتحال پر غور کیا جائے گا۔

ذرائع کے مطابق اجلاس میں حکومتی واپوزیشن کمیٹیوں کےمذاکرات میں درمیانی راستےاورالیکشن دھاندلی تحقیقات پرغورہوگا۔

اس کے علاوہ اجلاس میں مولانا فضل الرحمان چوہدری برادران سے ہونےوالی دوملاقاتوں سےارکان کوآگاہی دیں گے۔

ذرائع نےمزیدبتایاکہ اسلام آباد تین روز تک جاری رہنے والی شدید بارش سے کارکنوں کی مشکلات اورانتظامات پر بھی غورہوگا۔ پارٹی قیادت اس بات پر بھی غور کرے گی کہ اے پی سی میں کون سی جماعت کس حد تک جے یو آئی کے ساتھ ہے۔

واضح رہے کہ اپوزیشن جماعتوں کا اسلام آباد میں آزادی مارچ 6روزسےجاری ہےجس میں شامل شرکاء بدستور ایچ نائن گراؤنڈ میں قیام پذیرہیں۔

گذشتہ رات اسلام آباد میں گرج چمک کے ساتھ ہلکی بارش اور تیز ہواؤں کے باعث سرد موسم نےآزادی مارچ کےشرکاء کی مشکلات میں شدید اضافہ کیاہے۔

آزادی مارچ انتظامیہ کی جانب سے کہا گیا کہ جن شرکاء کے پاس بارش سے بچاؤ کا انتظام نہیں وہ کشمیر ہائی وے میٹرواسٹیشن میں قیام کریں۔