کراچی گندگی کے ڈھیر لگ گئے، صفائی ستھرائی کے لئے مشہور لاہور جگہ جگہ کچرا ہونے کے باعث کچرے کا گڑھ بن گیا۔

تفصیلات کے مطابق فنڈز کی کمی کے باعث معاہدہ ختم ہونے کا ڈر ہے ساتھ ساتھ سولڈ ویسٹ کی گاڑیوں نے سڑکوں سے کچرا اٹھانا ہی چھوڑڈیا ہے۔

لاہورمیں کچرا اٹھانے والی کمپنیوں کےساتھ کیا جانےوالا معاہدہ ایک ڈیڑھ ماہ میں ختم ہوجائے گا لیکن 3 ارب روپے کی عدم ادائیگی کے باعث کمپنیوں نےابھی سے ہی شہرسےکوڑااٹھانابندکردیا ہے۔

افسوس تو یہ ہے کہ سولڈ ویسٹ کی گاڑیاں سڑکوں سےگزرتی تو ہیں لیکن کچرا نہیں اٹھاتیں۔

لاہور جیسے خوبصورت شہر کچرے کے ڈھیر میں تبدیل ہونے کےخلاف پنجاب اسمبلی میں قرارداد جمع کرادی گئی ہے، قرارداد مسلم لیگ (ن) کی رکن عظمیٰ بخاری کی جانب سے جمع کرائی گئی ہے۔

متن میں مؤقف اختیار کیا گیا ہے کہ لاہور ویسٹ مینجمنٹ کمپنی دیوالیہ ہونے کے قریب پہنچ گئی ہے، شہر بھر میں جگہ جگہ کچرے کے ڈھیر لگ گئے ہیں جبکہ 3 ارب کی ادائیگیاں نہ ہونے کی وجہ سے ترک حکام نے صفائی کا کام بند کردیا گیا ہے جس کی وجہ سے لاہور شہر کچرا کنڈی میں تبدیل ہوگیا ہے۔

قرارداد میں مزید کہا گیا ہے کہ کچرے کی تعفن سے شہریوں کو شدید مشکلاقات کا سامنا کرنا پڑ رہا ہے، شہر کی 274یونین کونسلز میں بڑے کچرے کے ڈھیر انتظامیہ کی نا اہلی کا اشتہار بن گئے ہیں اور اس تشویشناک صورتحال پر سیکرٹری بلدیات،کمشنرلاہور ڈپٹی کمشنر بھی خاموش تماشائی بن گئے ہیں۔

پنجاب اسمبلی میں بتایا گیا کہ حکومتی وزروں اور مشیروں کی فوج ظفر موج بھی کچرا اٹھانے میں سنجیدہ نہیں ہے اور ساتھ ہی ساتھ مطالبہ کیا گیا ہے کہ لاہور شہر میں بڑے پیمانے پر صفائی آپریشن شروع کیا جائے جبکہ ترک حکام کی تین ارب کی ادائیگیاں فی الفور کی جائیں اور لاہور جیسے خوبصورت شہر کا ماحول سیاست دوست بنایا جائے۔